24h購物| | PChome| 登入
2006-03-19 04:44:53| 人氣24| 回應0 | 上一篇 | 下一篇

唉！我開始「病發」了=.=”……

推薦 0 收藏 0 轉貼0 訂閱站台

唉！自從找不到阿寶，我又開始狂「目及」女喇，我懷疑依個係我既天性，我好似「目及」少陣都會死咁，今日我就發覺自己真係「病發」喇。

今日本身飲完下午茶，無無聊聊咁周圍行，行行下去左嘉湖銀座，好自然咁入左活力城，一心諗住入去睇人打機，我行埋去睇人地打《the house of the dead 4》。睇睇下人地打機，我視線左前方，有一對男女，既然佢地係背住我，我當然放縱自己，眼都唔斬咁望果條女既背影。

我發覺自己都幾鐘意「目及」依類型既女子，該名中國藉女子，年約廿歲，蓄有一把長而金啡色既曲髮，中等身材，瓜子口面，膚色偏白，五觀端正，身穿連身牛仔裙和白靴，頸部戴有白色頸巾。

其實，同阿寶一齊之前，我每日都做緊「目及」女依個動作，但同阿寶一齊果幾個月，我又好乖咁，無「目及」女＆「聊」女喎。不過，話時話丫，我鐘意「目及」既女子外形，天智每次都會話：「你條友咁鐘意『目及』MK妹，唉！唔好話MK妹，大把出泥『做』果ｄ，都係咁著架喎，唉！阿師兄，有時真係唔明你，到底依ｄ外形既女子，有咩咁好『目及』……」

講開又講，其實在我角度睇，我自己較為鐘意睇ｄ女既春裝、秋裝和冬裝，係咪奇怪點解無夏裝呢？因為我覺得夏天果陣，ｄ女通常都係著背心仔，ｄ背心仔來來去去都係果ｄ款，十年如一日，而且ｄ妹妹仔通常會襯到好核突，加上未發育，真係有ｄ影響巿突，亦影響左果ｄ年長些少既姐姐仔們，但好睇既姐姐仔們既夏裝，美感始終較冬裝為低。

女始終都係「目及」好ｄ，上身之前就真係要認真考慮，「目及」果陣幾時都只會睇到最美好既一面，訓覺果陣幻想下同ｄ索索地既女，行街睇戲拖手食飯打車輪上床，就真係幾好既，但就真係發下夢好喇，世事總係無咁理想，任何野背後都有價錢牌，事實上一切野都係好鬼現實，唉！……

我要檢舉
台長： LEO LEE

您可能對以下文章有興趣

人氣(24) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
是 (本台目前設定為強制悄悄話)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文