今天是上佛學課的日子，我已有三個月沒有見梁老師了，他今天講的經，繼續是去年的《妙法蓮花經》，我誠實地告訴各位網友，我雖不否定鬼神的存在，但我對宗教的興趣一般。今天參與佛學課，一來是為見梁老師，二來是護士姐姐都想聽梁老師的佛學課，可惜無暇抽身到臨，那只好托我錄給她聽，於是我出席今天的佛學課。
佛學課堂中，我是在坐之中，與梁老師最有淵緣，他又毫不客氣地中傷我了。梁老師解說「十善」時，他大聲地說：「『不綺語』係唔好講咸濕野，挑起人地既淫慾，係一項好大既罪孽，大家千其唔好唔好，俾果個外表斯文靚仔既李熙嵐呃到呀，其實佢時時都晌度講咸濕野架！大家千其唔好學佢呀！哈哈哈……」我只好回應：「幾時有呀，梁sir你咪亂講呀！」
下課後，梁老師請眾人一同上茶樓，此時我是最遲一個到達，我只能坐在佛學課之中，唯一的一名女同學旁，但不需一會兒，我的心癮便發作了。正當一眾人等與梁老師熱烈討論時，我便終於忍不了，開始「聊」那名女子，取她的ICQ號碼，但那群來自「白堊紀」的梁老師和學生，就即時起哄，梁老師更說：「衰仔，你又晌我面前識女仔，你真係死性不改架喎！你自己睇下，你搞到人地面都紅晒喇，你幾唔應該丫，哈哈哈……」
一陣笑聲過後，那個自稱黑社會的學員，便說：「上官兄，你真係聞名不如見面，你果然有返一手，難怪梁sir之前講，話佢有一個好想做警察，而且溝女都有返一手既學生，今日我終於見到，厲害！」我只好勸這名自稱黑社會的人士，千萬不要聽梁老師對我的惡意中傷，但此時甘嘉耀又加入論戰中。
甘嘉耀說：「你唔好信李熙嵐就真啦，梁sir，係咪咁話法呀？有ｄ野可能你唔知咋，上年我地中六補習班果陣，泥左條讀深培既女，果條女個樣cool到爆，但死人上官都有辦法聊到人地架喎，我同梁sir都佩服佢囉，我就簡直晌度當戲咁睇呀，幾緊張刺激呀，正！若果佢經驗再豐富多ｄ，佢將來遇到咩冰山，都一定能將冰山劈開。」
對於這群來自白堊紀的雄性生物，我只好對他們說「你地班化石丫，你地咩古老十八代思想泥架！我剛才同哩位靚女講兩句野唧，唔代表咩架喎，但你地則可以諗到咁多野出泥，我佩服你地就真喇！甘嘉耀，好心你就唔好佛口蛇心啦，我記得你曾經非常羨慕向我講：『嘩！真係羨慕你咁易識到女……』我易識到女，係因為我夠膽出聲，唔係我溝女有一手，而且講兩句野之嘛，咁就係想溝人地架喇咩？仲有呀，你地頭先咁講，會嚇親哩位靚女架嘛！」
離開茶樓後，我告訴梁老師，我到來聽講，是因為護士姐姐原故，梁老師即時問：「係？你追緊佢呀？」我對此立即否則，並請他不要誤會。我坦言說從研習玄學後，認識到什麼也不能強求，亦沒有方法強求，我是順應天命的，那麼今明兩年，倒不如專心工作，豈不是更好嗎？況且，我已經領悟了一些殘酷的道理。
文章定位：
