驚喜＠心靈鑰匙｜PChome Online 個人新聞台

2003-11-17 00:07:01| 人氣49| 回應0 | 上一篇 | 下一篇

驚喜

推薦 0 收藏 0 轉貼0 訂閱站台

今日一朝返了學校影班相，可惜唔係個個同學都有訂到個 package，所以都唔齊人， d professors、dean 都冇個到，只係得我們大概 31 個同學，雖然唔齊人，但我們個個都影得好開心！！

之後下午便同部份 LMC 的同學影相，都好耐冇見lu，見番大家真係好開心呀！！仲要多謝你們隻熊仔公仔呀！它條邊係金黃色架，好襯我件袍呀！多謝晒！！

一路咁影，咁就影到成四點幾啦，而我媽咪就做了我個全日攝影師，爸爸就做了我個柴可夫司機啦。我們三個人咁就由朝早九點出門至下午五點幾先返到屋企，所以大家返到屋企都好攰……真係好攰！但我仲要做功課呀……

夜晚 upload 緊 d 相上網的時候，大姑姐按門鈴喎，我以為佢只係話我知我個得意小彤彤過了來玩，點知佢拎了個“周生生”袋出來，話係佢、鳳姑姐和娣姑姐送俾我，慶祝我畢業的禮物喎……真係估唔到呀！原來佢地今日來了屋企諗住搵我影相架，點知等極都等唔到我返，o係度等到五點幾先走，但我們都係前後腳咁撞唔到……可惜可惜……不過唔緊要，我們暫定 29/11再影過，到時睇o下落唔落黃金海岸影丫，反正我都冇影過黃金海岸的日景，好嗎？？

多謝晒你們呀！爸爸、媽咪、姑姐、咁多位來同我影相的朋友……多謝晒！

感謝主！我好幸福呀！Hallelujah!!!

我要檢舉

台長：山邊

人氣(49) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)