親愛的主內弟兄姊妹：
相信大家都有聞說過我將於 8 月7 日至14日到柬埔寨短宣，這是我第一次的短
宣體驗，盼望我能好好享受與主親近的時間。雖然在當地會有些少的侍奉工
作——教英文和一些佈道的工作，即doing，但更重要的是能細心聆聽主對我的
說話，能親近主更多，學會順服，即 being，好好發揮短宣的三大特性：團
隊、順服，以及愛。所以，我真的好需要大家於禱告紀念小女子的是次短宣，
不論是事前的各樣預備，去到當地的各樣侍奉，還有我們各組員能有健康的身
體、心靈，和平安的腳步等，煩請大家於禱告紀念。因為在出發前會出現好多
的屬靈爭戰，動搖我們的信心，盼望我們能倚靠神所賜的能力勝過它們！
舉個簡單的例子，公司有位非基督徒的律師知道我去柬埔寨，佢話我是
bourgeoisie喎。哈，完全唔知係咩來的，聽都未聽過，佢話我讀 science 唔
識呢個字可以原諒喎……呢個字字典解作中產階級，有貶義的意思是 too
interested in material possessions and one’s social position。大概是
我並不是真正關心柬埔寨的人民，而只是得閒無事做，純粹滿足自己個人體驗
貧困的慾望喎，仲話我去得8 日，根本做唔到 d 乜，關心要長時間的，不如捐
錢來得實際……講真，我聽完之後，都有問自己點解要參加短宣，係咪真係純
粹滿足個人慾望呢？捐錢或資助第二個去咪得囉，唔駛我去哩……我不是的，
無謂被他的一句說話動搖我的;，我知8 日時間好短，真的做唔到 d 乜，
都話我
唔係 doing，而係 being 咯，being with God！學習團隊、順服，以及愛，親
身體驗當地的需要，返來之後會更懂得如何去關心當地的需要！所以，懇請大
家於禱告紀念，叫我緊記自己並不是咩 bourgeoisie，能細心地聆聽主的差
遣，關心亦不止8 天，而是持久的關心！
另外，在工作方面，為期兩年的實習期將於7 月25日完結，跟公司的
contract 會在7 月31 日結束。心情既興奮又緊張，興奮是，我終於都 admit
做律師啦，緊張是我仲有好多東西要學，做 trainee可以話是拎正牌做錯，
但做律師就唔同，好大責任呀，都真的有壓力哦！哈哈！再者，又是時候找工
作啦！我已準備好 application letter，亦不時留意每星期有關聘請事務律師
的廣告，一見到認為合適的律師樓我便會發信。但可能我打算九月才上班 (最
理想哦，可能到時仲未有人肯請我)，所以到現時都仲未算好落力去找，哈哈，
so far才寄出過兩封 application letters。我會耐心地等候，相信神會為女
兒預備一份合適的律師工作……就是交託啦！亦請大家於禱告紀念。
雖然7 月完 contract，理應有咩新 files 都唔應該 assign給我做，反正我都
跟唔完架啦，但舊有的 files 依然做到無停手，老細又繼續 assign d 新
files 過來，哈，所以工作依然是非常的忙碌，滿腦子都是工作哩！我希望唔
好掛住做，能為 8 月的短宣預留多 d 時間好好的準備侍奉，預備自己的心
情，學會順服！
最後，我誠邀大家出席於 7 月12 日7:30 p.m.的短宣差遣禮以示支持，地點是
信義會真理堂。未能出席的，亦請於禱告裡紀念，不要看少禱告的力量，你們
的支持對我和其他短宣的組員是很重要哩！謝謝！
主內
秀華
P.S. 我需要整 33 條五色珠帶去柬埔寨，麻煩團契的弟兄姊妹幫幫手，但首先
我要搞清楚它的穿法先，在此先勞煩大家！
文章定位：
