都好久未有 update 我的新聞台哩！就等我呢個百無聊頼的無業人仕响呢段待業期間多 d 上來向大家報導下新聞先！
由邊度開始講起好呢？em….就講講我剛完成的律師實習期啦…
兩年的律師實習期終於在 7月25 日完結，但我同公司的 last day 卻是7月29日 (7 月31 日拎咗 annual leave，但返咗公司執嘢，d 老細見我响度，又借 d 意叫我出埋 d 信佢……哈)。在 Y. C. Lee, Pang & Kwok實習呢十四個月，我真的好開心。因為我不單止做返 d 作為一個 solicitor 應該會做的嘢、有好多機會去見識唔同範疇的工作、學到好多嘢、仲認識到一班好好好好………的同事兼朋友！雖然工作真的好忙碌，嗰幾個老細亦只當你係一個廉價的勞工，亦一早知道公司一定唔會 retain 我做 solicitor，但是我都覺得好開心，我真的覺得好感恩架！
回想當初決定離開 Lily Fenn & Partners 時，我真的唔知未來的路是如何架，更唔知新公司的人事關係會唔會比 Lily Fenn 的更可怖，只係知道我唔可以荒廢我的 traineeship，所以就唔理三七二十一，當Y. C. Lee, Pang & Kwok請我，約都未簽，我就遞辭職信，哈，心口掛住個勇字哩！心想若要坐以待斃，倒不如出去闖一條血路……哈哈，當然我有將自己交託給神啦！
感謝主！Y. C. Lee, Pang & Kwok的人好友善，個個都樂意教我做嘢，雖然佢地個個都奇怪點解呢個做咗10個月的 trainee 會咩都唔識做，但佢地卻好細心的教我去做，唔會話見我做得慢就唔駛我做……哈，因為大家都好多嘢做，又點會咁蠢拎返 d 嘢自己做哩！起初，當我遇到唔識的嘢時，我並唔係咁敢向佢地請教架，只係自己一味做 research 囉，但都唔掂架，樣樣都唔識做，樣樣都靠自己做 research咪要好長時間？
hehe！感恩神讓我來到呢間公司做嘢，識到呢班好朋友、好導師！不單止律師會教你嘢，秘書、clerks、或其他 supporting staff，只要你問佢地，佢地就會好親切、有耐心咁教我點做架啦，會借 precedents 俾我啦、解釋俾我聽啦、幫我問吓其他人識唔識啦……感謝主，衪叫我在短短的個幾兩個月內能跟公司的人混熟，如我有免費 lunch buffet，就鼓起勇氣約大家一齊去食啦，師兄師姐約滿 farewell，即使唔係話好熟，我都一齊去湊熱鬧啦……甚至會跟佢地一齊去唱卡啦 ok 哩！哈哈，關係就係咁建立架啦，有時係要唔知醜咁，面皮厚 d 咁去建立架啦……
更令我興奮的是，Y. C. Lee, Pang & Kwok的人唔係是非人！你唔駛怕有人會响你背後插你，真係好舒服哩！哈，真的感謝主哩，祂知我實習期時間好短，所以賜我一間好好的 firm，讓我能專心地學習如何去做一個solicitor，我真的覺得自己好幸運和幸福哩！因為神真的為我預備道路！I Love You, My Lord and my colleagues in Y. C. Lee, Pang & Kwok！多謝晒呀！of coz my family, who are always there for me lei. @o@
哈，我的人緣都唔錯架！在我走之前，分別有唔同的同事請我食飯 farewell我架！哈，都真係全部同事都有架，except 4 個老細囉……哈哈！不過，唔緊要啦，你們都响我離開公司前的 7 月22 日搞咗個公司旅行，仲要係我最愛的 Hong Kong Disneyland，仲要住埋酒店o忝！hoho……好開心哩！多謝晒！班玩開的同事更在我 last day，即7月29 日入來黃金海岸玩o忝呀！夜晚食海鮮哩！多謝晒！
*********************************************************************
最後，就等我簡單地講講我 admission 的事啦！要我Y. C. Lee, Pang & Kwok的 principal 簽 Form 4 (Application for a Certificate of Eligibility for Admission as a Solicitor) 俾我是絶無難度 / 問題的，我個 principal二話不說就簽咗俾我，perfect！但 Ms. Leung (my ex-principal) 哩，哈哈，前前後後都擾攘咗三個星期，我 7 月31 日搵佢，結果要 8 月21日先簽到……過程係點？既已過去，我都唔想多提啦，不過，感謝主！最後，都簽妥啦！更感恩的係，過程雖然有 d 阻滯，我試過發脾氣鬧佢 (當然响佢背後啦！哈)、亦有喊過 (hehe, 我向來就係一個喊包哩！)，但神在我心內作工，叫我好快便平靜落來，亦好快咁唔再嬲佢。記得其中一次，正當我再一次想鬧佢時，神讓我記起祂的說話：「你們若單愛那愛你的人，有甚麼可酬謝呢？就是罪人也愛那愛他們的人。」(路加福音6:32) 隨即我又有時間閱讀《馬大世界馬利亞心》一書，當中講到當“不好”的事發生時，神其實只是為了我們的益處以及祂的榮耀，祂的愛有時便會有所耽延！哈，神果真奇妙哩！感謝主，我願將一切交託給祢，願祢的旨意成全！
現在就要等 Law Society出一張 Form 2 俾我，再去法庭排期，行埋ceremony就正式係律師啦！哈哈，好期待哩！
文章定位：
