一年一度的夏日學堂在 8 月24 日和 8 月25 日舉行，今年係我第一年參加教會舉辦的夏日學堂。其實每年教會都在呢段時間舉辦夏日學堂，但我從來都冇參加，因為正值係我的生日哩！前前後後的日子都會被 fully-booked！我一向的習慣係將生日正日的晚上預留給我的至愛——我的家人，任何人都需要讓步哩。哈，但我今年將呢日預留給我的最愛——我的上帝。
不過，話時話，唔知以後的夏日學堂可唔可以不在 8 月24 日舉行呢？hehe…
其實今年並唔係我第一次將生日正日預留給我的上帝的。應該在 2002 年 8 月24 日，我當晚參加咗ACM 於紅館舉行的讚美敬拜會。哈，當晚的感覺好不錯哩！全個紅館坐冇虛席，全人類同我慶祝生日呀，都咪話唔巴閉架！
點解今年我會參加夏日學堂呢？
坦白講，出咗來做嘢兩年啦。在呢兩年入面，我好努力咁去工作，不斷咁學習，爭取每分每秒，以及每個機會去工作，為的要完成任務，和學多 d 嘢，將來要做一個好律師哩！我可以每日响公司工作由上午 9 時至下午 8 時 (甚或9 時，哈哈，真的 round the clock 哩！)返到屋企食完飯，睇半集至一集的電視劇，沖個涼，約於 11 時便再次工作，直至 12 點幾 1 點，甚至更夜 / 更早？哈哈，tell me this is not life！星期六、日，甚至公眾假期，我都會拎嘢返屋企做，我整個人的生活就被工作完完全全的充滿著，就連我的家人都要因為我的工作而讓路……。我覺得整個人好枯乾哩！雖則我時時都話要响工作崗位上見證主，但非常慚愧地，我並沒有做到。我唔敢講，甚至係唔敢想，究竟响同事眼中，我係一個點樣的基督徒？我究竟有冇絆倒人、虧缺神的榮耀呢？
對唔住咁多位同事，我沒有將福音、將神帶到你們當中。我真的唔可以再這樣下去啦！那應該怎麼辦呢？
感謝主！佢給我兩年的實戰經驗，知道自己的不足。今年 contract 完了，衪並沒有為我即時準備工作，反而要我好好的靜下來，好好的思想我的使命，好好的裝備自己——參加今年夏日學堂，主題是「職場馳騁」，哈，神可真奇妙哩！
兩晚的聚會我都獲益良多，當中搵到好多共鳴。感謝主，雖然我好討厭是非，唔識點去處理，但我不再單求自己的益處，我不再將自己停留在信仰的安舒區入面 (哈，不是求神叫我能搵到一間基督徒 law firm 去工作)。反之，倘若神要使用我，要我榮耀衪、見證衪的話，就叫我順服，那管那裡是充滿是非、鬥爭哩！因為我知道神必賜我聰明，衪會與我一起去打仗哩！Thank you, my Lord！
「我不求你叫他們離開世界，只求你保守他們脫離那惡者 (或作：脫離罪惡)。」(約翰福音17:15)
未來的工作如何？就叫主的旨意成全在女兒身上，讓人看見主的榮光，願將一切的榮耀都歸予祢。阿門。
文章定位：
