嘩，話咁快又一年啦，咁又大多一歲啦，真的好唔願意哩！
哈，不過，感謝主！我真的覺得自己好幸福哩！有好多朋友同我慶祝生日，他們約我食飯啦、sms祝賀啦、禮物啦、電話祝賀啦、email 祝賀啦，真的多謝晒咁多位呀！我冇諗過會收到咁多生日祝賀架！感謝主！多謝晒！
當然要多謝我家中可愛的兩老啦，仲有細佬哩！由於今年我參加咗教會的「夏日學堂」，所以正式的 family birthday dinner 改咗在8月26 日先食。正日就梗係有生日蛋糕啦！yeah！
首先，在8月16 日的短宣重聚日，當晚完了分享會後，柬宣的弟兄姊妹們就一齊去了 Spaghetti House 食晚飯，為八月份的組員慶祝生日，分別是 Wong Man (5/8)、Palden (20/8)、和我的，hehe，好開心哩！能認識到呢班弟兄姊妹，大家懷住傳福音的熱心一同為主努力，感謝主。當晚搵人幫我們影大合照後，大家更即時為他們送上和解釋五色繩哩！哈，感謝主，我們在柬埔寨短宣返來後都能發揮傳福音這異象哩，求主繼續燃燒我們呢顆熱心，為主見證，將福音傳給萬民聽，求主垂憐！
(o，不過我仲等緊組員 send 番 d 相片俾我，未能响呢度同大家分享o忝！)
呀，之後 8 月18 日晚同 Y. C. Lee, Pang & Kwok 的同事打 badminton，哈，好耐冇打啦，打了一場後，個人已經酸軟晒，真係老啦，要做多 d 運動先得。之後去咗食宵夜，哈哈，成十二點先搭車返屋企……但真的玩得好開心！
8 月21 日晚同拉架仔和維他去了尖沙咀食飯，然後又互送禮物，哈，生日禮物和柬埔寨手信哩！好開心呀！當日下午去咗拉架仔屋企整砵仔糕，em，味道都 ok 的，不過個 texture 相差 dd 咁啦，下次來我屋企我借 d 碗仔過你用，ok？
8 月22 日晚就同 Lily Fenn & Partners 的 Janice & Teresa 去了銅鑼灣食飯，哈哈，我們的飯堂——翠華茶餐廳哩！多謝晒！
8 月24 日和8 月25 日兩晚參加咗教會的「夏日學堂」。哈哈，感謝主，我選擇正日同你過生日哩！
8 月26 日晚是 family birthday dinner，在我們的飯堂——黃金海岸中餐部。
8 月31 日晚就同 SCC 三個好姊妹 (穎雯、詩華、珊珊) 在荃灣食飯。Wow，都成年冇見啦，真的好掛住大家哩！見返大家都真的好開心哩，大家分享到各自的近況，工作上的趣事和激氣事，真的笑到肚都“luen”哩！哈哈！可惜，當日冇影到相，唔緊要，約定你們，下次聚會時間係 10 月，到時我帶相機，咪放飛機呀！see you by then！
呀，8 月31 日的 lunch 同Y. C. Lee, Pang & Kwok的同事食，因為舊年個 summer student (Charmine) 返美國開學，响佢臨走前再聚下喎。Lunch 之後，就同 Charmine 去銅鑼灣 join 埋另一個 summer student (Sarina)，一齊去影貼紙相喎！哈，好多年冇影啦！家吓 d 貼紙相好多花款架，真係好得意架，大家得閒不妨去影吓呀！哈！
哈哈，到 9 月1 日晚就同Y. C. Lee, Pang & Kwok的同事 (Jojo, Teresa, Andy, Ben, Chris, Dom) 去咗銅鑼灣的 Neway 唱卡啦 ok，哈哈，有 Haagen-Dazs的雪糕蛋糕哩！yummy，多謝晒！不過，他們原本想俾驚喜我架，點知Neway的員工好唔識做咁揚咗囉……哈哈，但真的好開心，thank you so much！
感謝主，賜我一班愛護我的人，thank you my lord！
今年的生日願望？願我學會順服，願神的旨意成全！阿門。
文章定位：
