終於都大學畢業啦！今日下午三點行畢業禮，爸媽為了出席我個畢業禮，便提早放工，公司便閉門半天，好似人地「東主有喜，休息一天」咁，哈哈！
整個 ceremony 只係 last for 1.5 hr (只係 SLW 和 Accounts)，都唔算太耐，幾好，唔係就會悶死，因為要等每個畢業生上台向校長鞠躬 + 同亞 Dean 握手都頗費時和悶架！！之但係，每個畢業生都可以上台，總好過冇得上，得個坐字。見到張信剛校長o係個台上同每個畢業生點頭，點成二百次，都真係幾攰架，又好搞笑喎！我諗佢都唔係好知自己o係度做緊乜，亦都聽唔到 (或者係聽唔入耳) 每個畢業生個名。坦白講，我自己都聽唔入耳呀……尤其係因為我們 SLW上台先過 Accountancy，Accountancy又多人喎，邊有咁得閒聽咁多人個名喎！哈，同埋我諗張校長返到屋企要捽“彎彎樽裝安美露”，佢o係咁點頭，一連四日畢業禮，一共有九個 sessions，哈，都幾攞命……不過，Upham 拎住o個支“CityU 棒”仲搞笑，首先我唔知o個支係咩來啦，佢仲要o係度“整色整水”，真係搞到全場的人爆笑呀！仲有呀，原來頂帽係落了台、坐返埋位之後，自己帶o個喎，唔知點解呢？
之後個 tea reception就梗係不停影相啦，部數碼相機上星期六換過部全新，都總算聽話，冇話影唔到，真好，感謝主。我們首先係幾個人o係度影相的，之後影影o下就越來越多人加入，相對地就會有越來越多部相機要影，於是我們成班就好似 d 明星咁，一個二個拎住公仔和花，猛o係度俾人影相，d相機多到都唔知望邊部先o岩，d攝光燈又猛o係度閃喎，真係好犀利呀！！勁呀！！不過，始終都未能夠同晒所有同學影相，唔緊要！我們 16/11會影 class photo，到時補番。
真係超級開心呀！恭喜晒爸爸媽媽，都要多謝你們多年來的照顧和支持！多謝細佬隻米奇老鼠畢業公仔，原來佢諗住今日一早打來叫我去亞哥個衣櫃度搵公仔，可惜呢個驚喜做唔到……不過，都多謝佢咁有我心，今日兩點幾都打長途電話返來恭喜我，多謝晒呀！！咁有我心，呢個細佬真係抵鍚！！
恭喜晒所有畢業的同學仔，都恭喜自己！！終於都畢業啦！真係好感動呀！！
最緊要的都係感謝神，多謝祢一直以來的帶領、賜予，求祢繼續帶領！Thank you, Lord!!!
文章定位：
