話咁快就一個禮拜咯，又係時候講返呢個禮拜發生o左 d 咩事啦。
星期六 (1/11) 一早返學校做 Advocacy 2nd Assessment—bail application，今次我做 prosecutor，個 assessor 係 subject leader，聽 d 同學講佢俾份俾得好緊，上次 1st assessment佢俾分都唔過 80。所以我超級驚，因為我1st assessment考得唔好……
當晚陪媽媽去參加佢朋友的女兒的婚宴，自從搬了屋以後都冇見過他們咯，都有成七年咯。他們咪猛話我大個了好多，唉……咁多年梗係啦，哈……同枱的三位陳氏公子都大個了好多丫，我都差 d 唔認得他們呀。不過，亞陳先生就話我個樣好細個，真係傷心。話說我當日早上返學校做 assessment，著晒成套 suit，之後費事返屋企換衫，咪著晒成套 suit 咁去飲囉，點知陳先生你咁話我，真係……唉，仲要俾坐在隔離的陳大公子取笑我話：「做乜我同你同年，你個樣咁細個架？真係唔講都唔知我同你同年呀……」，我都唔知應該開心定唔開心呀，唉……
星期日係我最後一日教主日學，眨o下眼都教了三年咯，可惜我教唔掂兩個小朋友，惟有將呢個重任交俾白太。小朋友我都唔捨得你們架，你們要聽白太話，要乖 d 呀！！
之後o個幾日都係如常咁返學，冇乜特別o野發生，日日都係咁開心！hehe！
星期五 day-off，一早去了覆診，行了一陣街，之後就返屋企做功課，準備做的時候，Loretta 就打電話來傾功課 (我屋企電話)，傾傾下 Diana打來話出了 Advocacy 2nd Assessment result (手提電話)，咪問佢考成點囉，佢話 ok 喎。我等唔到要下星期返學校先知咪叫佢開我個 pigeon hole幫我睇o下幾多分囉 (好彩佢有我個鎖條匙)，o係電話度聽住佢開個鎖，幾鬼驚呀，嚇死我o忝呀。知道個分之後，簡直係難以置信呀，以為自己聽錯，猛o係度叫佢睇清楚 d、睇o下張 result slip 係咪印住我個名，又叫佢講多次，真係笑死人呀！
然後我就拎返起同 Loretta傾緊的電話，同佢講話出了 result，搞到佢“lor lor loon”，又話等唔到喎，但 Diana 又冇佢條匙喎，佢就叫 Diana試下幫佢“liu”張 result slip 出來睇，Diana話：「唔係卦，點“liu”呀？俾人見到點算呀？會唔會話我偷o野架……」跟住佢話：「我試o下啦，有人問我，我就話係個主人 authorize 我咁做啦」哈……Diana咁犀利就梗係“liu”到啦！最搞笑的係，o係途中Cedric 行過，見到Diana 做埋 d 不法行為就問佢o係度做咩，佢真係有話係 Loretta authorized 佢咁做，Loretta 唔知發生咩事，淨係聽到我問 Diana做咩，搞到佢又猛o係度問我發生咩事，一個人拎住兩個電話o係度講，真係……傻傻地架……完成晒成個 process 之後，General Office d staff 就來派 materials 啦，好彩“liu”早半步，唔係就俾人鬧啦……真係笑爆嘴呀……
哈，星期五細佬特登由廣州返來同我影畢業相，夜晚就去了黃金海岸食飯，執o野落街的時候，我話要拎埋媽咪送俾我o個隻 Mickey Mouse 畢業公仔，點知……原來細佬上次國慶返來的時候已經買了一隻一模一樣的公仔俾我，包晒花紙，又驚媽咪同我會入佢房會發現喎，就放了入亞哥個衣櫃度，諗住俾個驚喜我……嘩，超級開心呀！！真係感動都震呀，真係想錫細佬一啖呀，多謝你呀！！真係 surprise 到震呀！好開心、好開心呀！
不過，美中不足的是食完飯準備影相之際，canon借俾我用o個部相機又用唔到啦……唉，都唔知點解會咁架……惟有用細佬o個部相機， 不過，佢不愧係讀新聞系，影相個 look 好鬼專業呀！型呀！
至於之前部 DC，我們打電話去第二個部門，講返成件事出來，個 STAFF 第二日就覆我們話可以換部新機俾我們，不過都要等到星期一(效率真快，好好)唔該晒！
感謝主呀！多謝你的賜予，我會好好珍惜，多謝晒！
文章定位：
