請珍惜生命＠心靈鑰匙｜PChome Online 個人新聞台

2003-08-22 01:06:19| 人氣35| 回應0 | 上一篇 | 下一篇

請珍惜生命

推薦 0 收藏 0 轉貼0 訂閱站台

我是一個好容易喊的人，唔開心會喊、睇戲會喊、甚至睇新聞都會喊、見到人地喊我都會喊，之但係我又好少在人面前喊，除非真係頂唔順，又或我極之信任那個人，願意跟佢分享我的一切啦。

o係呢兩日，我都有過兩次想喊的時候，但想喊的原因卻截然不同。首先是星期三早晨七時出門返工，一開部手提電話收到個 message，我個 friend 話佢終於都有 offer， PCLL 終於都收佢啦。諗住晏 d 打電話去恭喜佢，點知佢九點度就打俾我，跟我講佢星期三零晨兩點多上網 check 到自己有 offer，於是立即走過 daddy & mammy 房叫醒佢地，話給佢地知，仲忍唔住喊了出來o忝。真是好開心，好感恩呀！！(其實我都唔知點解我想喊，大概係感動卦) 感謝主呀！三朵小花出年又可以做同學一齊讀書，一齊玩，一齊傻下傻下咁啦！另外，星期二返city enrol撞番個中五舊同學，好開心呀！

不過，星期四想喊的原因卻剛剛相反，一整日o係 office 度都有一種愁雲慘霧的氣氛，好唔自然。一個二個同事喊到雙眼通紅，當我知道發生咩事之後，真係想喊埋一份。佢地有 d 情緒頗為激動，做o野時又心不在焉，搞到我都唔知點算好，又想俾 d 時間佢地冷靜o下，但我又真係冇o野做，得個坐字，唉……希望佢地唔好諗咁多啦，要忘記背後，努力面前，勇敢地和積極地面對未來，唔好唔開心啦！

所以，我們真的要好好地愛惜自己的生命，因為生命好寶貴，否則便會令到身邊關心我們、愛錫我們、甚或只係認識我們的人傷心。有咩唔開心的事，真的要找個傾訴對象，千萬不要屈o係個心裏，好辛苦架。同時，我們都要多 d 主動去關心身邊的人，別以為一句問候的說話冇用、又假，或許它能夠為你帶來一個朋友架！少 d 埋怨，多d 去愛，呢個世界便會變得更可愛。

Cheer up guys! Tomorrow is another day; we have to face the future! Let’s lay down beside our almighty GOD, Amen.

我要檢舉

台長：山邊

人氣(35) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)