Time flies！屈指一數，我已經讀了十九年書啦，今日就係我大學三年班的 last day of teaching。你問我有冇唔捨得？講真都冇乜，皆因我真的希望出年能繼續讀書，出年先last day of teaching。
其實，除了中五那一年的 last “week” of teaching外，其他的 last day of teaching，我都冇乜太大的感覺。記得中五那年，我跟同學在學校的每個角落影相留念，向每科的老師送上 thank you card，更會攬住班主任猛o係度喊，真的好唔捨得。但其實接着那個星期，我們全部人返晒學校，因為我們要考 mock exam 嘛！然後跟同學說笑，笑我們上星期喊到好似以後都冇得再見咁，但幾日後咪又見面。回想起來，都真的幾搞笑，但配合我們當時的心情，值得架！再加上，我們並不是全班都能原校升上中六，見面的機會真的少了很多。
到了中七那年的 last day of teaching，我跟其他同學的反應都好冷靜，因大家都知道我們還會見面。雖然省去喊呢個環節，但就少不了到學校每一個角落影相呢個指定動作。哈！我相信呢兩次 last day of teaching 的相片總數會多過我跟家人去七天的外地旅行。不是因為我去旅行唔影相，而是因為我們以“見人頭就晒”呢個制度去翻晒相片，結果同一個 post 的相片，我就會擁有幾張出自唔同相機的相啦！
至於今次的 last day of teaching呢，認真平淡，嚴格來講，我根本沒有將它放o係心度。或許出年大家會一齊讀書，繼續日日見面呢！唯一跟呢一日扯上關係的就係，我今日要交 postgraduate cert 張 application form，和我要找個 lecturer 拎番份 coursework (可惜搵唔到佢)，因為o係考試之前，我都應該唔會返學校。影相呢個環節？我諗多數大學生都會留待畢業禮當日才會影。所以，於我而言，last day of teaching 的意義一次比一次細。相反地，畢業的意義就越來越大，個目標也越來越清淅啦！
我要加油！俾心機！考好呢個 final year exam！
文章定位：
