Wow, wow, wow, 好耐冇寫 diary 啦，好懶呀呵！哈哈！咁耐冇見，太多嘢想講啦，但講唔晒喎，惟有整個速記啦！
呢幾個月的生活，其實都冇乜特別，都係返工，放工咁囉。返工學到好多嘢，終於都覺得自己係一個見習律師啦！講真，仲有大把嘢要我學呀，但時間冇多，响呢間 law firm 度我只可以做到出年七月尾，之後就要走啦，因為 mostly 呢間 firm 都唔會 retain 我，所以我諗過咗農曆年後，我又要開始我的搵工大計啦……唉，唔知大家有冇好介紹呢？我相信神定必保守，帶領，感謝主！
自從返咗工以後，都冇返團契咯，又唔駛教主日學，所以少咗事奉神的時間，今年正式當選為執事，希望自己好好把握事奉主的機會，求主使用女兒，呢個家我都有份架，所以係時候去負起服侍教會的責任啦！求主帶領！
講樣超級開心的事俾大家聽丫！响上星期二 (29.11.05) 我同媽咪、細佬去咗香港迪士尼樂園呀！因為媽咪個朋友個仔响迪士尼酒店度做，所以可以帶三個人入去玩。响入面見到我最喜愛的 Mickey Mouse 呀！哈哈，真係好開心呀！ Mr. Walter Disney 真的冇錯，disneyland 可以帶人走入 wonderland，完全脫離現實，响入面真的好開心！講真嗰句，d 機動遊戲真的唔係好得，但 d shows 就真的好好睇，好靚呀！好想再去多次呀！一日真的唔夠玩哩！哈哈，唔知有冇人有免費飛呢？哈哈！我想入去買嘢呀！最愛的是 Swavoski水晶和周生生首飾，但真的好貴，所以應該都係 window-shop 的居多……仲有呀，我都冇同 Pluto 、 Tigger ，仲有七個小矮人影相呀，又冇參觀咩米奇博物館，又冇去到迪欣湖喎，又冇搭到迪士尼線喎……哈哈，唔得，我一定要再去過！哈哈……
哈哈，我結果係買咗隻聖誕米奇和 tigger 架！好得意架！
哈哈，不過，我都影咗好多相呀，有興趣的話，可以到此網址參觀：
http://community.webshots.com/user/schan0824
真的好靚架！我講 Disneyland 呀！
呀，今年好似冇 Disney on Ice，不過有 Hollywood，可惜門票都係好貴！所以都係得個 "恨" 字……哈哈！
好啦，又係時候講 bye-bye 啦，唔知下次見面係幾時呢？
God Bless!
P.S.
聽日開始就要連上 4 日 trial，完咗 court 就要返公司做嘢，唉，太多嘢等住我去做啦！希望應付得來啦！
其中一個目標：响十二月完之前清咗 d Theft of Vehicles 的 files！加油呀！
