話咁快又一年啦，又大一歲啦，唉……過去的一年在舊公司工作，給我見識咗好多嘢，好多人生百態，哈，有開心、有唔開心，結果我係選擇離開的……anyway，都係一個好寶貴的經驗，感謝主！多謝祢過去一年的帶領，祢賜下平安，冇咗祢的同在，相信我呢個得罪人多，稱呼人少的靚妹，真的唔知要死幾多次先得……仲邊可以跟舊同事相處融洽？！感謝主！
今年的生日好似過得好熱鬧咁，感謝主，原來我的人緣都算係咁架啦，哈！
首先，在 18.08.2005 晚，約咗維他和拉架仔食飯，收到維他馬來西亞的手信與及生日禮物，多謝晒！我們三朵小花都好耐冇一齊食飯啦，今次係自我返新工之後的第一次，wow，都成兩個月啦，當晚大家都暢所欲言，互相分享大家的近況，好開心，真的，感謝主賜我兩位戰友，期待明年大家一起 admit 的時候，hehe ……
21.08.2005 — 當日上完今期最後一堂主日學，睇完加拉太書，之後同教會一班弟兄姊妹去咗食泰國嘢， farewell Brenda ，希望她在瑞典的交流生活愉快，求主保守帶領她的腳步，賜她平安。之後走咗去睇《千杯不醉》，好好睇呀！吳彥祖好靚仔呀！！
之後去咗行街街，買咗兩個手袋，一把米奇老鼠長遮，好靚架！我等咗好耐，終於都買到啦！hehe，好滿足！不過，荷包就大出血呢……
22.08.2005 — 呢晚約咗穎雯、詩華、珊珊喺旺角的 Pizza Hut 食飯，都成半年冇見啦，見番再吹水，同樣開心！唔知我們下次又會是幾時先再見呢？期待下次的聚會。
原本應承 Brenda 喺佢離開香港前 ( 8:45 p.m. ) 打電話俾佢，點知……由於我跟好友們重聚太開心的緣故，唔記得咗，到十點多先記得……對唔住呀， Brenda……
23.08.2005 — 約咗舊公司的 Teresa & Janice 喺銅鑼灣的 Queen’s Café 食扒，好好食，多謝晒！我們三個傻大姐又吹水、又發癲， Teresa 仲攞其他食客的食相來開玩笑，哈，我真的怕我們遲早一日俾人打呀，哈哈，咁就玩到成十一點，哈……
24.08.2005 — 正日就梗係約咗我的至愛，我的家人啦！一朝早吃蛋糕，係朱古力味架！我自己揀架！好好味架！臨放工前喺公司吹蠟燭食蛋糕，同樣係朱古力味，好好食呀，同樣興奮，仲有禮物收，hehe……
25.08.2005 — 當晚就同同事去咗上環一間潮州老字號“兩興”食飯，一行九人 ( Jojo, Teresa, Rosa, Charmine, Sophie, Kelvin, Chris, Andy )，雖然我唔係太好 d 嘢食，但都食得好開心！多謝晒！
26.08.2005 — Ben 請我食 lunch ， 日日咁俾大家同我講生日快樂，哈，今年都老得快 d ， 短短幾日就老咗幾歲，真的唔抵！
哈，多謝晒咁多位的祝賀，不論是人到、聲到，抑或 message 到，收到你們的祝賀，我都好開心，我真的好開心，多謝晒！
27.08.2005 — 哈哈，一月一次的 sat-off，正呀，我又訓到成十點幾啦！goods！喺屋企他條吓、 hea 吓、再訓吓晏覺，哈哈，簡直係退休的生活呀！正呀！
28.08.2005 — 終於都去咗 apm 啦，個場都真的好大，哈哈，大件事，買咗1 對涼鞋、兩份禮物呀！又駛錢啦，點算？真的賺錢買花帶？！攞命……哈哈……
哈哈，生日禮物唔算多，多謝媽咪的米奇介指，好靚呀！維他的咭片套、Charmine 的 earrings，都係好靚架，搵日帶俾你睇吓！和一支 Jurlique lotion！多謝晒！
*********************************************************************
生日係好開心，但今年就多咗少少煩惱，有人原本想約我正日當晚食飯，俾我當面拒絕咗，因為正日要留番俾我的至愛——屋企人，佢就話：「吓，想同你慶祝都只可以揀前前後後的日子？唔可以係正日？唉，我真的有 d 替你擔心，你要漏番 d 機會出來俾人先得架嘛！我跟你入屯門同你 d 屋企人慶祝啦！……」唔係卦？你估你係邊個呀？我的屋企人，隨便俾你識的咩？你仲搞笑到話：「遲早都要識架啦！」哈，認真搞笑！都唔知你講乜……不過，呢個人可以不理，因為佢應該係吹水的多！
又有人特登買生日蛋糕俾我，買咗支 Jurlique 的 hand cream，聽聞呢隻牌子好貴，差唔多二百蚊的 hand cream，唔知算係貴定便宜呢？俾人取笑有人當正自己係主人家咁幫我搞 b-day dinner ； 有人約睇《朱古力掌門人》，結果去的人唔多，俾人取笑有人只係想同我睇，又俾人取笑話多人買唔到飛，要兩個兩個咁坐……唉……今日仲問我睇唔睇《Red Eye》o忝，救命呀！放過我啦，好嗎？
我估計有人出賣我，皆因我曾經同人講過想睇呢兩套戲，何解呢個人會知道呢？救命呀？我唔想同你睇呀！
對唔住，我唔想俾 d hard feeling 呢個人，但真的冇 feel ， 我只係想同你做同事， ok ？ 別無其他架！請你唔好再做咁多嘢啦！ 俾人取笑啦！ 我知其實大家都係想取笑你，其實唔係好關我事的，但，間接都喺度取笑我呢……唉……都唔知嗰 d 取笑你的係咪你的朋友來架？明知你冇行，都唔阻止你，搞到你樂在其中，仲以為自己好有機會咁……唉……不過查實你又唔係好聽人們講嘢的，人講 A ，你就講 Z ，唉 ……我真的唔想你誤會，只係同事咋，ok ？ 冇謂搞到大家尶尬丫，我們仲要做多一年同事架嘛……咪玩啦！我細佬女唔玩得架 ！ 唉……希望你早日清醒，唔好發白日夢哩……
希望大家睇完之後唔好討論，更加唔好喺我屋企人面前討論，費事佢地擔心啦！佢地唔知架！請大家能高抬貴手，麻煩晒！
總括而言，今個生日過得好開心，多謝你們與我一起分享，多謝晒！我覺得好幸福呀！感謝主！
*********************************************************************
講番 D 正經嘢：
19.08.2005 — 單 criminal case 終於都完啦， 但 verdict 就要到 03.09.2005 先俾，唉，星期六要人著 suit ，唉……
完咗單十四日的 case ， 再留番喺公司做嘢，真好，可以清番手頭的工作，雖則係冇可能清晒的……但唔駛日日上 court，打醒十二分精神咁幫個 counsel 抄 notes，留喺公司工作輕鬆得多！
哈，下星期又有一單 civil case，估計要 4 - 5 天，其實可以 Kelvin 上的，但我又想去見識吓，大佬，得番一年時間咋，梗係捉緊每個機會去學嘢啦！多謝你呀，Kelvin，多謝你唔同我爭呀，多謝晒！
25.08.2005 — 跟林律師去 Lands Tribunal，我的第一次呀，感覺幾得意，比其他 courts casual 得多。見識容官，哈哈，好好笑，好似街市買菜咁，好搞笑，好騎呢呀！哈哈……
主呀，求祢帶領女兒的路，求祢使用我，阿們。
文章定位：
