唔經唔覺，我已經返咗新工一個月啦，我今日出咗我喺呢度的第一個月糧呀！哈哈……
坦白講，全公司成三十人，分黨派真的在所難免，如律師的一群，秘書和 clerks 的一群。但感恩的是，以我目前的觀察，新公司的同事都相處融洽，易相處，樂於助人的……但又好坦白咁講，我唔敢咁快下定論，因我初初喺舊公司都覺得大家姐幾好人架……哈，撞過板的人係會小心 d 嘅，希望大家唔好見怪！我已經同大家玩得頗熟絡啦！ 18.6.05 仲同大家一齊去食 lunch buffet o忝！感謝主！大家都幾玩得，又講得笑，同你們一齊都好開心！希望呢個關係可以 keep 住落去！
至於工作方面 —— wow ，真的好忙呀！忙到不可開交呀！公司連同一個中國律師共有九個律師，除了那位中國律師之外，其餘八個都搵我做嘢，鬼咩，師兄 ( Chris ) 已經喺上星期三 ( 22.6.05 ) last day 走咗；新嗰個 trainee 應該要七月中先返工；而師姐 ( Rosetta ) 喺 17.6.05 好不幸地冇咗個 bb ，家吓休息緊……咁全世界就有咩都俾晒我做啦，哈，但我又只得一雙手， d 嘢又唔熟，甚或唔識做喎，梗係做得慢啦……所以都真的要落多 d 苦工，惟有拎多 d 嘢返屋企做啦……
親愛的父上帝，多謝你給女兒一個新的機會，一個新的開始，坦白講，喺舊公司學的嘢真的唔多，況且我老細又唔鍾意俾嘢我做，咁我真的冇咩可以學到，都真的浪費咗頗長的時間。雖然新公司會辛苦 d ，但 exposure 多咗好多，似返一個 trainee 應該做的嘢，學返 d proper practice ，辛苦 d 都唔怕啦，況且都係十四個月啫，而同事又肯幫手，我相信我應付得來的，更重要的是我知道主祢定必帶領，唔會讓女兒面對過於我所能接受的挑戰的，更唔會讓女兒獨自去走，所以我有信心我可以很快適應到，和應付到的，主呀，求祢帶領，賜我能力去走未來的路，阿門。
呢度的習俗係 d file 會全權俾晒你跟，你要自己去 handle 個 file ，搞掂好就俾老細 approve ，都啱的，要訓練我成為一個律師，唔係一個打工仔，啱的……不過，就比較吃力，因為我真的咩都唔識做。哈哈，我個 principal 喺我返工第二日已經 assign 咗三個新的 files 俾我做啦！哈，希望我搞得掂啦，千祈唔好過 bar-date！
喺呢度個 exposure 真的大好多，有機會上庭、去荔枝角 reception center 做 legal visit 、去 labour tribunal 做 inspection、開大廈業主大會、同個 probate client 去 empty 個 safe deposit box 等，哈，咩都有我份……不過，出完 trip ，返到 office ， d 嘢都係堆滿喺張枱度，都係要做……哈哈……
師兄、亞師兄，點解你咁快就 admit 架？最衰公司唔請 AS ( Assistant Solicitor ) 啦 ，( 講真咁多嘢做，請多兩個人都未必夠呀！) 如果唔係，我就可以指意你去教我做啦！哈， anyway ，都多謝你喺呢三個星期的教導，幫咗我好多，多謝晒！麻煩晒你幫我封一封我頭頂的風口位 ( 雖則我個位家吓都係好凍 )、麻煩你幫我裝好個 keyboard drawer 等， thank you ！ hehe ，你去澳洲旅行，記得買多 d 手信返來俾我們呀！唔知你係咪真的會買隻袋鼠俾我，買隻樹熊俾 teresa 呢？ Hehe ……係就多謝先啦！
呀，我們今年有個 summer student ( Charmine )，由於我同佢都係 new-comer ，都係六月一日返工，所以我同佢比較熟。哈，佢成日話好悶，冇咩嘢做，我就成枱都係 files ，成三、四十個喎，家吓仲要霸埋隔離 Chris 張枱，哈，真的多到唔識形容，不過，據聞我都唔算多 files ，所以相信陸續有來！！哈哈，我得嘅！ Hehe，都冇得比較， Charmine 只係一個 pre-law school 的 summer student ，都唔可以 expect 佢做 d 咩，所以我好理解，亦鼓勵佢一夠鐘就放工！哈，做暑期工唔駛咁摶命， hehe……
另一邊廂，主呀，求祢醫治 Rosetta 呀！呢個消息真的好令人傷心，個 bb 預產期原是十月，真的成晒形架啦，可惜……求祢安慰 Rosetta 同她的家人，賜他們勇氣去走過這陰谷，阿門。無奈地，佢已經放晒佢 entitled 的 annual / sick leave ，所以下星期佢就要返工啦，希望佢冇事啦！求主垂憐！
呀！好重要的係，我舊老細已經喺 21.6.05 簽咗份 release 俾我啦，而我新呢份的 traingin contract 都喺 28.6.05 簽好， 30.6.05 就拎咗去 Law Society register 啦，感謝主，件事終於都辦妥啦，感謝主的帶領！至於出年 Ms. Leung 肯唔肯簽張 Form 4 俾我，到時先算啦！不要為明天憂慮嘛！哈，另外，那個 1.6.05 的新秘書喺返工第 7 日辭職，做到 27.6.05 上午，另一新秘書就喺 27.6.05 返工，哈，我諗佢唔會辭職卦？ Ms. Leung 和 counsel 又叫個 trainee by hand d 文件俾 counsel ，又要幫 counsel 去 library 影 cases …… Janice 佢地話不時聽到 Ms. Leung 兩位新下屬喺度呻 counsel 麻煩……唔知佢地幾時會發現 Ms. Leung 和 counsel 的關係呢？哈…… really no comments ！
Well，成個月冇寫 diary ，實在有太多嘢要講，但一下子又真的唔知從何說起，哈，下次記得先再講啦！
文章定位：
