唉，到今時今日，我真的要走啦，老細都係唔肯簽張 release 俾我，之前話五月中，以後推到五月尾，我要走的時候，家吓又話要六月中，等你個新 trainee 返工先，我問你幾時簽到俾我，你又話唔知……一味叫我唔駛擔心，話一定會簽俾我，咁等咩啫？
做人可唔可以唔好咁婆媽呀？你跟 counsel 都係律師來架，點可以咁樣做嘢架？講吓信用好喎！六月中？哈，我即管睇吓你到時會唔會簽俾我。我忍多你一個月，如果到六月尾，你都仲唔肯簽，猛喺度耍我的，唔好怪我，我唯有搵 Law Society 幫手，到時你好唔想俾人知的嘢，如果有需要的話，我會講出來架，到時睇吓邊個玩唔起囉！
唔駛我講，明眼人都睇得出你同 counsel 的惡行，連 Sharon 都忍唔住要走，你話丫！點解仲死喺度呃自己話自己冇問題？公事歸公事，唔好扯埋 d 私事落來呀！一塌糊塗，我都唔知自己係做 trainee，定係做 pupilage？唉……真的早走早著咯！唉，我都唔知究竟係老細你乞人憎丫，定係 counsel 乞人憎，你們扯晒貓尾咁，但又各自話唔關自己事，講到係對方的意思，講到會幫我勸服另一個……唉，少同我來呢套啦！你估我真係三歲細佬咩？唉……冇眼睇呀！Teresa 話幫我趕走新嗰個 trainee 喎……哈，千祈唔好呀！如果係的話，佢實唔肯簽張 release 俾我架……
唉，我今朝同老細約 14.6.05 簽份 release，因為佢話新 trainee 13.6.05 返工。唉，counsel 話我唔啱喎，話我唔應該俾個 deadline 人喎，又叫我唔駛擔心，實會簽俾我喎……唉，咪再講廢話啦！係要簽的，又講到一定會簽，咁點解要死拖難拖呢？乾脆 d 好嗎？
新 trainee 幾時返工，關我咩事啫？又話睇吓我喺新公司做成點喎，可能會覺得呢度好，會返來幫佢喎……醒啦！就算係做得唔開心，我都唔會返來架，咪駛旨意我會幫你呀！我幾經辛苦先可以離開你們呀？仲叫我返來，你估我真的傻的咩？咪咁天真啦！
哈，counsel 原本話想約我食餐飯，但唔可以俾老細知喎……唉……有 d 咩咁唔見得光呀？哈，我當然係冇同佢食啦……
唉，希望快 d release 我啦！主呀，求祢垂憐，雖然眼見呢 d 困難好難搞，但我相信主定必帶領，將會有出乎意外的平安的，感謝主，求主看顧、保守，阿們。
文章定位：
