轉眼間，就要離開 Lily Fenn & Partners 啦，講真嗰句，真的好唔捨得架！呢份係我咁大個女正正式式的第一份工，做得最耐的一份工呀，有十個月架，真的估唔到咁就十個月啦！當然我希望我可以喺新公司打破呢個“十個月”的紀錄啦！
喺最後呢一個星期入面，我都冇咩特別的嘢做，都係做埋嗰 d 煩到死的 OR、做埋秘書的工作、今期仲要幫 Mr. Woo 打埋份中文的 submission……唉，好心佢就自己請番個秘書啦，成日用埋我們 d 資源去幫你做嘢，好 cheap 呀！不過，算啦，我都走咯，費事理你們啦……
除咗做嘢之外，我都不忘跟同事道別，傾吓計咁囉……hehe，真的好唔捨得大家呀！我付出咗十個月的感情出來架，希望大家真的可以 keep in touch 啦！
*********************************************************************
Janice 終於都放完假啦，喺星期一返咗來啦！真的好掛住你呀！尤其是因為我離別在即，真的想見大家多 d架！哈哈，雖然佢去日本冇去到 disneyland，又冇買到我最喜愛的 mickey mouse，但佢買咗條香水樽形的頸鍊俾我，多謝晒呀！我好鍾意呀！
*********************************************************************
呢十個月喺 Lily Fenn & Partners 以來，我見識到好多嘢，學咗好多嘢，真的要多謝 Ms. Leung 和范律師當初俾機會我跟大家學嘢，多謝晒！我覺得我得到最大、最寶貴的係友誼！尤其係跟 Janice 和 Teresa，你們兩個都係我的好好朋友！能夠喺工作上搵到知心友和志同道合的朋友真的好令人感到興奮！我們咩都傾，咩都笑一餐，三個傻大姐，成日細聲講，大聲笑，又唔話俾其他人知我們笑咩喎，又真的難怪亞珍話我們開嘉年華的……(唉，佢咁都講得出，好嘢！真的好難同你做朋友呢……講嘢有骨的？？)
當然除咗 Janice 和 Teresa 之外，其他同事都好好，有 Patty、Kenix、Louann、Catherine、Queenie、Tony Au、Patrick、Brian (daddy)、亞華、大師兄 (佢送咗個腳墊俾我呀！好舒服架！多謝晒！)、Josephine、亞傑，當然唔少得亞 Ling 啦……哎吔，講唔晒咁多人的名呀，總之就多謝晒你們啦！我細佬女以前有咩得罪的地方，請大家多多見諒，原諒我啦！
上星期五晚，Janice、Teresa、Patty、Kenix 和 Louann 請我去銅鑼灣間 Outback 食飯，雖然嗰晚落住好大雨，但都冇影響到我們，我們一邊傾，一邊食，咁就玩到成十一點先離開，再行多一陣就各自返屋企。今個星期一的 lunch，Tony Au、Catherine、Queenie、Patrick、Kaye、Teresa 和 Janice又請我去 PP 的 Grappas 食飯，好好食、食到好飽o忝呀！哈，Tony Au 話我喺呢度係一個“奇遇”喎，哈，唔知佢係咩意思呢？哈……今晚影相，佢仲同我舉起兩隻手指公o忝呀！哈，多謝你一路以來的指導，雖然我唔係你個 trainee，但你真的好細心咁教導我，當正我係你個女咁教，哈，因為我實在太細路啦……坦白講，如果你係我個 principal ，我可以名正言順咁跟你學嘢就好啦！anyway，好似宜家亦師亦友咁，都好好呀！多謝晒！
連亞傑都喺上星期六送咗一支花俾我，話因為冇同我食飯，唔好意思喎……哈，佢真的好得意呀！當日我叫佢幫我老細買本《香港街》，佢買完拎入房俾我，我見佢仲唔走喎，咪問佢：「我仲有咩可以幫到你呀？」點知佢喺個 DX 袋度拎咗一支梅瑰花出來話：「唔好意思呀，冇同你食飯，不過，千祈唔好話俾人聽喎，我怕俾人笑呀……」哈，學 Teresa 話齋，好 sweet 呀！我相信佢女朋友真的好幸福哩……
Patty 仲想約我今日 last day 食 lunch o忝呀，不過，因為我想慳錢，所以都係帶飯食，之後就買咗三十件西餅請大家食，再跟大家影相留念。哈，女的就話要同我影得親密 d，要攬住我影喎， d 男的聽到就話佢地又要喎，仲有人問我會唔會有 Goodbye kiss 喎……哈，你們就想啦！哈……真的好唔捨得大家呀！
Hehe，為咗多謝大家的心意，我穿咗七條水晶香水樽俾 Janice、Teresa、Kenix、Patty、Louaan、Catherine和 Queenie，哈，唔好意思，女仔先有……男的食多件西餅啦 (如果有的話)……
唉，認真諷刺，我同公司入面的同事個個都好、個個都 friend，但偏偏就同自己個老細唔“咬啞”……唉，佢咩表示都冇，淨係識得叫我幫佢做多 d OR，……唉，你 d 嘢之前又唔做，全部 pending 晒，連 2003 年的信都可以未覆的，咁點搞呀？你估我係神仙咩？邊幫你清得晒呀？哈，所以佢要改名，唔再係“緩雯 (摱)”而係“媛雯”唉……我咩戲都交足俾你啦，朝朝幫你洗杯、沖水、做埋你秘書 d 嘢、聽電話……你 28.5.05 生日，我都專登買支 Cross 的筆送俾你，都算係咁啦，呢 d 咁聽教聽話的徒弟，真的唔知去邊度搵啦？唉，真失敗，我都唔知點解我唔可以將大家的關係處理得好 d 的……唉，算啦，人夾人緣，我喺你心目中都唔係 d 咩乖乖女，都係扮出來的啫……是但啦！雖然我唔鍾意你的處事方法和某 d 的睇法，但你始終都會係我尊敬的師父，我唔需要你鍾意我，唔需要你知道，我自己知就得啦，我問心無愧！
Anyway，喺 Lily Fenn & Partners 的日子，我真的好開心，係好好好……開心，因為有大家同我一齊渡過，多謝晒，感謝主。雖然我要同 Lily Fenn & Partners 的關係劃上句號，但我相信跟大家的友誼係唔會就咁停止的，我相信係……
Hehe，星期五 lunch 永樂園見！
文章定位：
