離家出走＠心靈鑰匙｜PChome Online 個人新聞台

2005-05-06 00:52:57| 人氣73| 回應0 | 上一篇 | 下一篇

離家出走

推薦 0 收藏 0 轉貼0 訂閱站台

尋晚放工打電話返屋企，肥仔話 dicky 仔又走咗出街啦，媽咪就拎住 d 狗糧四周圍去搵佢，但結果都係搵唔到佢。搞到我們成晚“囉囉攣”，成晚走出露台睇吓 dicky 仔有冇走返來……

今晚食完飯返到屋企都係唔見佢的蹤影，爸爸見我好失落咁，就話買過一隻小狗俾我，又係叫 dicky 的，但此 dicky 不同彼 dicky 嘛……正當我話一齊落街搵 dicky 仔之際，爸爸就見到一張告示，上面寫著：「尋獲松鼠狗一隻，如有遺失，請電 xxxx-xxxx」，我就叫肥仔快 d 打電話去接返 dicky 仔返來。感謝主，dicky 仔返來啦！

轉眼間，dicky 仔已經九歲啦，雖然佢好曳、唔聽話、又唔鍾意和唔俾我們同佢沖涼，佢會咬人架！但講到底，我們已經相處咗九年啦，佢已經成為我們家庭的一份子，係家中的小弟弟。哈，我們會叫佢去爸爸度、問佢媽咪呢？大哥哥、家姐、二哥哥去咗邊呀？又點可以缺少咗佢呢？

失而復得，係咪會更加珍惜佢呢？唉……但首先就係要幫佢沖涼，和剪毛，之前帶佢去美容院，諗住 d 人專業 d ，可以搞得掂 dicky 仔啦，點知，人地都話佢反抗得太犀利，又咬人喎，所以放棄咗……咁點算呀？真的要諗諗有咩辦法可以“馴服”到佢，然後幫佢洗白白和剃毛，等佢靚仔返先得。大家有冇 d 咩好辦法呀？千祈唔好話打暈佢呀，要用溫文的方法去“馴服”佢，請大家獻計！

希望佢唔好再離家出走啦，真的擔心死人架嘛……

我要檢舉

台長：山邊

人氣(73) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)