話咁快又一個禮拜咯，時間真的過得好快！
呢排返工都係咁啦，冇乜特別，依然都係好多嘢做，research、drafting等等。每一日六點幾、七點的時候， Teresa 都會問我幾時走得，哈，我每次都話差唔多，然後，通常都會喺約 7:20 – 7:30pm離開公司，當然每個星期總有幾日係會再遲 d 架啦！哈，其實嘢又點會有做完的一日的呢？唉……有時仲要拎嘢返屋企做 / 睇，但返到屋企個人又好攰，hehe……所以，好多時候，拎返屋企的嘢會比我真係會做的多，甚至係原封不動咁拎返公司……哈哈！加油呀！Sabrina，你得架！支持你呀！
公司的是是非非真的令我覺得好厭煩呀！聽都聽到厭晒啦……都好嘅，我唔 show interests 落去，咁大家咪唔會同我講咁多，咪冇咁煩囉……hehe
星期二 (22.2.05) 係公司春茗，喺 Conrad Hotel 的金葉庭舉行，坦白講，全場都好悶，但 d 嘢好好食，翅呀、甜品有我好鍾意的湯圓和合桃酥，仲有老婆餅，yummy。而且喺呢晚，我們 4 個 trainees 一人獲得 $2,000 的 diligence award，hehe，悶 d 都抵啦！至於 lucky draw 方面……哈，一人一件 t-shirt。唉，其實都唔駛抽啦，索性一人派一件咪得囉……哈。
不過，喺呢晚就發生咗件事，就係當范律師宣佈亞珍得獎時，我們冇乜人拍掌，坐喺另一枱的Kenix 做口形問 Janice大家做咩唔拍 (澄清！我係有拍的，因為呢 d 係禮貌！只係我呢枱冇乜人怕啫，大概係因為大家唔鍾意佢卦，但我真的冇留意，因為我剛剛拎完獎，坐返埋位……) 是但啦，咁Janice 就將呢件事轉告同枱的其他人知 (佢地係 32/F的)，點知就令 Kenix 覺得Janice唔啱，覺得佢好喺32/F的人面前話佢……唉，其實，起初都冇乜嘢，抽完獎，Kenix 行過來同我們傾計都冇嘢的，但唔知點解，完咗之後，我們 (Kenix + 我秘書Karen ; 我 + Janice) 分別返返公司搵 Teresa (佢有 d 嘢要趕，所以同 Matthew都冇出席春茗) 和放低件 t-shirt，返到去的時候，我們就見到 Kenix 黑晒口面，轉過頭，連 Janice 都黑埋……問Kenix走未，佢就話有嘢要同 Teresa講，咁Janice 咪陪我行去搭車，再折返搵埋 Teresa 去銅鑼灣 join 返 32/F的同事們飲嘢囉……
哈！大家估計係有人喺返公司的途中講咗 d 嘢，令 Kenix 有所誤會，於是就向 Janice 黑面啦！究竟係邊個？哈……
Kenix 嬲係因為佢覺得32/F的人唔鍾意佢，但佢又冇做過 d 乜，冇理由人地會唔鍾意佢，令到佢好費解。再加上，有人成日同佢講話 32/F的人唔鍾意佢，又對佢話要防人地之類的說話，令到佢喺今次的事件上，喺好多 not real 的 assumptions 下裁定 Janice 喺 32/F的人面前講佢壞話，於是就好嬲啦……
當晚，Teresa 講返俾 Janice 聽 Kenix 講過 d 乜，Janice 就打來同我呻話好嬲，話以後都唔會睬 Karen & Kenix，但我同 Teresa就分別勸佢唔好嬲 Kenix，因為佢都係俾人 (小人) 蒙騙咗……我仲同佢講，如果佢嬲第二個，我唔會阻止佢，但Kenix就嬲唔過，因為佢個人真係冇乜嘢，係直 d 和份人比較真啫，大家都係有所誤會，講清楚就會冇事啦……但佢依然好嬲……
第二朝返到公司，又係我們幾個勤力和準時的員工 (我、Janice、Teresa + Tony Au)就一齊討論呢件事，大家都勸 Janice 唔好怪Kenix，因為每個人都總會有發錯脾氣的時候，況且Kenix係一個可以和值得交的朋友，佢都係比人動搖咗佢的信念啫……結果？Kenix 返到來，塊面冇之前一晚咁黑，但就好明顯地係唔開心的。我們都冇能為力啦，只好默默地、靜靜咁勸吓大家啦！諗諗有咩方法可以幫佢地兩個化解呢個小小誤會。
感謝主！一切都係祢掌管的，祢滿有智慧，我們根本唔需要做 d 乜嘢，祢就叫率直的Kenix 自己去解決呢個問題，真的是解鈴還需繫鈴人。首先，佢一早就走去同 Karen 講咗十幾分鐘 (坦白講，我好唔欣賞呢個動作，因為佢真係要知道邊個人能夠幫自己化解是非，而邊個人只會製造是非！)。跟住，佢就同 Fion 講咗一陣，佢就主動走入Tony Au間房同Tony Au (Janice 個老細) 傾呢件事啦，真的傾咗好耐。之後出來，先發現原來 Janice 都有入到去，一齊傾。Kenix 就主動同我和Teresa解釋返件事，叫我們唔駛擔心，因為佢清楚明白晒，知道係自己唔啱，發錯脾氣，已經同Janice 道歉，都知道問題只出於一個人身上 — Karen，Kenix 比Karen 影響到，令佢覺得其他人會講佢是非，所以 d 人唔鍾意佢……其實 Kenix 喺某一個星期六的lunch 時都問過我同 Teresa關於 32/F的人的事，問我們佢地係咪真係咁衰，係咪唔鍾意佢……因為Karen對佢講，32/F的人非常之唔鍾意佢……嚇怕咗佢，令佢都唔敢同人地咁熟……咁人地又點敢同你玩喎？況且，礙於你同 Karen 的關係，d人都唔敢同你講咁多啦……
唉，之前我都因為 Karen 的緣故，覺得 32/F的人好衰，好唔鍾意佢地，而 32/F的人都覺得我唔好，因為我只會聽Karen 講。 但感謝主，我們的誤會好快冇咗，我相信背後係有人幫我講咗 d嘢，令呢個誤會化解咗 (hehe，我諗我知係邊個或邊 d 人做的，雖然大家都冇講，但我知的，多謝晒！) 感謝主！我們家吓好 friend，一齊玩、一齊講笑、一齊食飯，相處得真的好融洽！
經過今次件事後，Kenix 終於都明白到問題所在，知道Karen 對佢講咁多嘢，都只係想佢 support 自己，由於 Karen 跟 32/F的人喺我們來之前的一 D 過節，佢就想多 D人去support自己。起初，佢想我去 support 佢，但好快地，佢知道我唔會咁做，佢就轉移目標向 Kenix 下手。唉，我們唔知個過節係乜，都冇必要去知道、干涉究竟係乜，佢地的恩怨就由佢地自己去解決，我們冇必要，也唔好咁愚蠢去捲入佢地的恩怨入面。
同Karen 做朋友冇問題，但唔代表我會支持佢所有的決定。Teresa叫 Kenix 勸吓 Karen，Kenix 話佢唔會咁做，只會由得佢自己喺度講，佢話試過駁過Karen 一次，就比Karen 話返轉頭……Kenix 仲話，上次 Christmas 時Karen 向我訓話一事，哈，原來事前亞大家姐曾向Kenix問意見，雖則Kenix叫佢唔好，又話佢有咩權去話一個 trainee……哈，結果佢都有咁做到。可能佢覺得，我會因此聽晒佢話卦……哈，可笑地，我唔會囉，佢係一個點樣的人，我好清楚，因為佢實在太低招，但我又冇必要同佢硬碰啫，咪由佢囉……所以我都同Teresa 講，根本唔需要勸 Karen，因為佢唔會聽人講……
我真的佩服Kenix，佢率直、坦白、肯承擔，知道自己同 Janice之間有誤會，唔想大家繼續面左左落去，就主動去了解和解決問題，更重要係佢知道願意道歉，我欣賞你！雖則佢地喺Tony Au間房已經算係解決咗件事，但Kenix之後都特特登走入toilet同Janice 單對單咁講清楚和道歉，好嘢！我敬佩你！Tony Au講得冇錯，Kenix 真係一個值得交的朋友！
件事算係告一段落，Janice 和 Kenix 之後都有講有笑，我私底下都問過 Janice，佢道氣都應該下咗架啦，只係佢知道有人喺佢背後講佢，雖然唔知詳細係乜，但足以令一段關係惡化起來，所以佢好嬲呢個人……哈，我都只有同佢講：「我好明白你的感受，我之前都試過，只係你家吓先感受到啫……」哈，大家惟有一笑置之啦……
*********************************************************************
又講返 d 開心嘢丫！
星期三 (23.2.05) lunch 和 Sports House 的人食飯，電話、email合作得多，但今次都係第一次見，感覺幾好。當日下午，我們 4 個 trainees請大家食 tea，雖然要駛錢，但駛得好開心，因為我們賺咗 $2,000嘛！ 再加上 Kenix 和 Janice 的誤會冇咗呢，真的值得慶祝！(但如無意外，1/3我要請老細、Karen和Mr. Woo食lunch呀，wow！應該會好貴呢！)
星期四 (24.2.05) 和星期五 (25.2.05) 的 lunch 分別約咗朋友食，好開心呀！尤其是星期五呀，我過咗中環同Arthur食，佢帶我去間有貓的餐廳度，雖然 d 嘢食唔係話好突出，但 d 貓好得意呀！最搞笑係，當我個雞翼烏冬來的時候，有隻小貓突然從一個客人處跳上來我度，係咁“hung”住我個午餐，哈，佢好得意呀！但我冇理由俾佢食架，會變生滋貓架嘛，又唔衞生呢，佢食完，我仲駛食的？咁我咪惟有話：「乖啦，等姐姐食埋飯先再同你玩吓」，然後就抱返佢落地囉，個老細都將佢抱俾另一個客人，咁咪唔會阻到我食飯囉……點知個客人走咗，隻小貓咪又跳上來我度，哈，我咪再抱走佢囉，今次個老細將佢抱遠 d……哈，到我食完啦，佢又走來，望住我，佢地都話：「睇吓隻貓係鍾意你丫，定鍾意你碟嘢食先？」哈，我咁人見人愛，梗係鍾意我啦！見佢紮晒馬咁，再向上一躍，跳咗上我度，就瞓咗喺度唔肯走啦，hehe……我話佢好“dea”人，鍾意人同佢玩，但個老細話，佢唔係成日都係咁架，哈哈，所以佢真係鍾意我先跳上來架！哈哈！可惜，我要走啦，惟有下次先再同你玩啦！
今日係星期六 (26.2.05)，見咗兩個客，第二個客見到成兩點，好彩佢走咗之後，我老細都肯放人，咁我就放工返屋企啦。
咁就一個禮拜啦……時間真的過得好快，要珍惜時間，把握每個學習的機會，加油呀！求主帶領！
文章定位：
