我返工有一個月啦！感覺都幾好，老細同秘書 (Ms Leung & Karen) 都好好人，好用心咁去教我做嘢，又俾好多機會我去學。例如尋日就叫我去聽胡大狀做一個關於 costs 的 interlocutory proceeding，之前又特登叫胡大狀教我執 pleading file、寫 witness statement和 take instructions。
星期二生日，Ms Leung & Karen 就請我食 lunch，仲俾我盡時放工o忝！真係感動呀，我返工咁耐都係第一次盡時放工！！多謝晒！而今年的生日就係我第一年冇假放，仲要返工的生日。今年媽咪買咗個蛋糕俾我，真係好開心，好耐都冇生日蛋糕啦，多謝晒，當然有吹爉燭和許願啦。夜晚就去咗紫荊食飯。也要多謝咁多位朋友的祝福，多謝晒！
至於喺呢幾個星期，公司的人事變更得好快，之前教我做 203 accounts 的 trainne solicitor 已經約滿走了，過幾日就連 Eunice (Esther 的家姐) 都走埋，仲要亞 Peggy 頂唔順 Ms Ip 辭職唔做 (寧願補 7 日糧俾 Ms Ip)，有一個秘書走返去舊 firm 度做。上星期一就來咗個新 trainee (Patty) 跟大老細，今日就來咗個秘書替之前走咗的秘書……可能係因為宜家正直係 law firm recruitment 的高峰期，所以 d 人事變更得咁快……遲吓又有個 assistant solicitor 會走，九月會來一個新 partner，仲會帶埋個秘書來、十月會來一個 trainee 跟 Matthew、一個跟 Ms Ip，再來一個 billing clerk！嘩，真係好多人呀！！
哈，今個星期打咗兩次電話去北京市高級人民法院，我 d 普通話實在麻麻，再加上北京人的國語實在太“難”聽啦，搞到我都唔係好知對方喺度講乜，只係大概聽到一 d 我想要的資料就算啦。最搞笑係第一次打去係書記小姐聽的，因為我要寄封信俾佢，所以就問佢拎地址和姓名——杜結，佢話“杜甫的杜”、“結束的結”，點知我聽錯係“豆腐的豆”……哈哈，由於當日係我生日，一早講咗會盡時放工，喺五點幾傾完電話後，我就立即整封信啦，print 埋信封，可以寄o忝架啦……喺返屋企途中，越諗越覺得冇理由係姓“豆”的，就諗到應該係“杜甫的杜”。於是，第二日一早就搵返個 messenger 拎返封信改返佢，如果唔係，真係笑死杜結小姐呀！真係失禮！！哈哈……
感謝主的帶領，多謝祢的賜予，我會好好珍惜，求祢教導和指引女兒能把握機會去為祢作工，願祢的旨意成全。都求主繼續帶領我的前路，我會好俾心機的去完成呢兩年的實習，好好的去學做一個律師，求主帶領，阿們。
文章定位：
