出乎意外的平安＠心靈鑰匙｜PChome Online 個人新聞台

2004-08-03 00:52:14| 人氣27| 回應0 | 上一篇 | 下一篇

出乎意外的平安

推薦 0 收藏 0 轉貼0 訂閱站台

我終於都搵到一份啱心水的 training contract 啦！雖然人工唔係好高，但呢間 firm 的 training 真係幾好，所以就算我之後有一個人工俾佢高的 offer，我都拒絕咗，決定簽佢。

返咗一個星期工之後，我都覺得我冇揀錯，我跟嗰個 partner 真係好好人，個秘書姐姐都好好人，又真係好肯教我做嘢。上星期六我成 5pm 先放工，因為老細要教我做 SPO，雖然放咁夜，但我真的唔介意，因為老細你肯花時間去教我，我覺得自己真的好幸福，有你同秘書姐姐咁有耐性咁去教我，多謝你們呀！日後我仲有好多嘢需要你們指教，請多多支持。希望我們可以合作愉快，三個人一條心去把工作完成！

感謝主垂聽女兒的禱告，一路以來，不停求主賜我一個好的 training contract，見過好多間 firms，都有幾個 offers，又曾經喺第二間做過幾日咁大把。我眼見自己三心兩意，左揀右揀都覺得自己呢個做法好唔啱。但主祢卻細心和忍耐地垂聽和應允女兒的禱告，還賜我一份好工，唔單止間 firm 好，training好，老細同 d 同事易相處，更重要係佢地肯教我！我入咗去一個禮拜以來，聽到唔少人同我講，話我跟 Emba真係好，因為 Emba好好人，就算你做錯嘢，佢都唔會點惡去鬧你。Emba喺我返工第二日請我食飯，星期六留我喺 office 度教我做 official receiver 又請我食飯，仲好有耐性、好清晰咁俾埋 samples 我做 reference；見我面上爆晒暗瘡就請我食龜苓膏，點知我話苦唔食，你今日就送咗支暗瘡藥膏和一包美容食品俾我，你真係好細心呀！多謝晒！估唔到自己真係咁好彩，可以跟到你，我會好俾心機去做，希望可以幫到你。

感謝主的賜予，呢 d 唔係我應得的，係祢白白的賜給我，求主使用女兒，叫我知道怎樣去成全主的心意！求主垂憐，阿們。

我要檢舉

台長：山邊

人氣(27) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)