信靠＠心靈鑰匙｜PChome Online 個人新聞台

2004-06-09 16:23:16| 人氣40| 回應0 | 上一篇 | 下一篇

信靠

推薦 0 收藏 0 轉貼0 訂閱站台

尋日同去華東班太太們飲茶，佢地真係咩都玩一餐、咩都講一餐，真係有少少俾佢地嚇親呀！估唔到佢地會咩都講架……大家 d 相都影得好靚呀！太太們仲猛話將來一定要約埋去旅行 (話要撇下所有老公，只係佢地自己去喎，哈)。飲完茶之後，就上了一個團友的屋企，坐了一陣就走咯。

之後就同媽咪去了行街，一心想買番對涼鞋和一個「斜咩袋」，可惜，都睇唔啱……唔緊要，慢慢來，呢 d 嘢係唔急得的，就好似搵工咁……

上次話會請我嗰間 firm 到今日都冇打電話來，拉架仔建議我打電話去問個明白，但我最後決定唔打，因為我唔想好似喺度求佢俾個 offer 我咁……可能大家會覺得我好傻，點解選擇要面子，而放棄麵包？哈，真係冇得解，就因為我太傻囉……可能都係為咗一啖氣掛，見佢講到自己有咁多好過我的人選，咁咪費事要佢委屈咁請我囉……哈。

我將一切都交俾主，我對祂很有信心，祂已為我預備，雖然最後神可能都係要我返去呢間 firm 度做，但願祢的旨意成全，阿們。當然，我都要為著唔知幾時會出的成績祈禱，求主保守，叫我科科 pass，唔駛 re-sit 丫，求祢賜我勇氣和心存感恩去迎接祢為我的預備，阿們。

我要檢舉

台長：山邊

人氣(40) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)