尋日中午去了沙田跟爸爸的一個好朋友吃飯，佢同爸爸都識了成三十幾年，但在大家結婚後，因為各自都有自己的生活，又各自要為口奔馳，所以都有成十年冇見咯。佢地雖然好耐冇見，但一見返就雞啄唔斷咁，講個不停，當然都會喺度回味佢地當年的一 d“威水史”啦。見到佢地咁，我真的有 d 羨慕，唔知將來我和我的朋友們會唔會好似佢地咁呢？我們仲可唔可以好似宜家咁，咩都講一餐、咩都笑一餐？
除了 uncle 之外，uncle 位太太都在場，去之前，媽咪同我講，話呢位 auntie 以前好鍾意我爸爸，到我爸爸媽咪結婚時，都仲同我爸爸講：「最衰你唔鍾意我。」 (當時呢位 auntie已經跟 uncle 結婚啦！) 哈，我唔知呢 d 係真心話，還是只係講笑，但倘若是真心話的，我感到真的好興幸肥仔當年冇選擇佢，而係選擇我媽咪！！喺坐低冇耐，我已經有呢種感覺！食完飯，我便跟爸爸講：「肥仔，你果然冇揀錯，我真的唔敢想像，如果佢係我媽咪，結果會喺點……」
哈，我好衰呀呵？冇計，呢位 auntie 講嘢大大聲咁，一 d 都唔斯文，又成日巴巴閉閉咁，喺度曬呢樣、曬嗰樣，又話自己剛剛喺北京買了對二萬五千蚊的“皮優”返來喎；又話六月中會去澳洲搵個仔喎，再喺七月同個仔返香港，然後去法國、意大利、瑞士……唉，我知你好有錢，但我一 d 都唔恨呀……喺你身上真的搵唔到半點貴氣出來，唔係你自己講，我真係唔知你咁有錢……哈，我覺得搵你嗌交真係一流，因為你夠殺氣！
真係對唔住，我咁話你，真的唔好意思！但你跟我呢個絕世好媽比，真係冇得比，簡直係天壤之別呀！我都真的要講一句：「肥仔，你好嘢，你果然夠眼光，一 d 都冇揀錯；媽咪，你真係好好呀，有你呢個媽咪，真係我的榮幸！」感謝主！
*******************************************************************************
至於搵工方面，本來今日要返工，但我決定遲 d 先返。上星期五同個 partner 講了我的要求，點知佢話咁我們會繼續 in 人，要睇吓 7 月仲有冇位俾你啦……於是，我就話一人讓一步，俾我休息多兩個星期，21/6 或 16/6先返，佢話要同另一個 partner 傾吓喎，會星期六覆我，結果係冇的……但我知道佢隨即打俾我個 friend，問佢可唔可以早 d 返工，因為另一個 trainee (即係我) 想 7 月先返……哈，我真係唔知佢點諗，係真係想請我丫，還是覺得佢真係有大把好人選，我唔肯早 d 返，咁佢就放棄我，揀第二個呢？
哈，算啦，將一切都交給主，我深信祂已為我預備。坦白講，當我 accept 呢個 offer 當晚，我真係瞓唔著覺，但當我決定遲 d 先返工，因為想休息吓和再搵工的時候，我又可以大被冚過頭啦……我知道神有祂的旨意，求主帶領，教我如何去行，去成就祢的旨意，阿們。
文章定位：
