我去旅行呀！＠心靈鑰匙｜PChome Online 個人新聞台

2004-05-26 22:00:43| 人氣36| 回應0 | 上一篇 | 下一篇

我去旅行呀！

推薦 0 收藏 0 轉貼0 訂閱站台

聽日就會去華東旅行啦，心情有 d 興奮，雖然聽到唔止一個朋友話華東冇乜好玩，而喺團友方面相信我都係最年輕的一個，所以都唔會好玩得去邊……但都求主保守女兒和媽媽的腳步，賜給我們平安。真係有 d 掛住 Christmas 去北京班朋友仔，唔知佢地宜家點呢？唔知佢地幾時會返來香港呢？

尋日一早去了拉架仔屋企整糯米糍，佢又整了我好鍾意食的甜排骨 (即數字骨)俾我，真係好好食呀，多謝晒！！跟住就去了開旅行社的茶會，再之後就去了 interview。今次呢間 firm 好細間，個 partner 講到好有心咁，唔知佢係咪真係會搵我做 2nd interview 呢？不過，無論如何，我都會繼續搵工，加油，努力！我相信神已為我預備，求神叫女兒繼續耐心等候，阿們。

in完之後就去了銅鑼灣間新書館買書，買了兩本書用來教主日學和一本《標竿人生》俾自己靈修。本《標竿人生》一共有四十篇，尋晚睇了第一日，都真係幾好睇，又真係有 d 想追睇落去。但編者話希望我們可以一日睇一篇，因為要俾 d 時間自己去消化吓 d 內容喎。都啱的，好，咁我就喺度跟神立一個誓約，女兒承諾願意靠神的幫助，在未來的四十日內去尋求神在我人生中的目的。Hehe，但我聽日就會去四日旅行，所以就等我返來先 count 過啦，haha！真係要多謝聖龍的介紹，仲有嗰兩本主日學教材，唔該晒！

今日收到一個朋友的 email，聽到一個好傷心的消息。坦白講，我真的唔識去面對，都唔知可以做 d 乜，唯有將一切交託給大能的神，祂掌管萬有，定會帶領我們走過一切試煉！我一定會為你代禱，希望可以早日雨過天晴！

全能的父上帝，我們尚未開口，祢已知道我們的需要，求祢垂憐，唔係叫我們所求的一切如我們所願，而是叫我們懂得倚靠祢，等候祢的恩賜，願祢的旨意成全，阿們。

我要檢舉

台長：山邊

人氣(36) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)