愛主，也愛孩子＠心靈鑰匙｜PChome Online 個人新聞台

2004-05-17 13:46:24| 人氣37| 回應0 | 上一篇 | 下一篇

愛主，也愛孩子

推薦 0 收藏 0 轉貼0 訂閱站台

尋日係教會的兒童主日，聽到洵洵的見證分享，講得井井有條咁，轉眼間佢已經四年班啦。當年我第一次敎主日學的時候佢只係一年班，時間過得真係快，雖然我只係教咗佢三年度，但我們已建立一段可貴的感情。仲記得去年你生日，我整了個好醜樣的忌廉蛋糕俾你，點知你第二個星期就送條電話繩俾我。到我生日、Christmas 你又送禮物俾我，真係多謝晒！等我睇吓今年送咩俾你做生日禮物先……

唔經唔覺我都教了主日學三年，又唔經唔覺咁停了成半年冇教咯。喺新一期主日學裡，我負責幼稚園主日學，唔知到時會有幾多小朋友呢？唔知 d 小朋友乖唔乖呢？唔知我應唔應付得來呢？哈，穎琛話做助教呀！得架，我對佢好有信心，唔知牧師點睇呢？

同小朋友玩，絕對難唔到我呢個超級鍾意小朋友的人。不過，其實除了人數方面需要主的保守外，最重要係求主賜女兒智慧、能力去教導呢班小朋友，將天國的福音話俾呢班小朋友知。所以我都要趁呢段悠閒的時間，除了休息、努力搵工外，就係要好好的裝備自己，為六月的主日學做好準備，求主保守，叫女兒倚靠聖靈作我的「導師」，然後跟小朋友一同去學習主的話語！

本週禱文：
慈愛的天父，感謝祢賜給我們一群活潑可愛的孩子；求祢幫助我們以身作則，遵行祢的道，作孩子的榜樣。又求聖靈教導我們怎樣引導孩子進入真理，更深的認識祢和相信祢，使孩子得著真正的平安和更豐盛的生命。並叫人能夠從他們的身上看見祢，榮耀祢的聖名！奉主名求，阿門。

我要檢舉

台長：山邊

人氣(37) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)