終於都考完試啦！＠心靈鑰匙｜PChome Online 個人新聞台

2004-05-15 15:28:00| 人氣24| 回應0 | 上一篇 | 下一篇

終於都考完試啦！

推薦 0 收藏 0 轉貼0 訂閱站台

話咁快就讀完了個 PCLL啦，尋日考埋最後一科試，收完試卷之後，考師話我們可以走得的時候，有 d 同學興奮到拍掌，哈，都啱的，我們終於都甩難啦！！感謝主！坦白講，我覺得今次考試考得唔係咁好，仲有 d 怕要 re-sit o忝，希望呢 d 只係我的多心啦……求主保守，叫我科科 pass 丫！

考完之後，仲同 d friends 喺度擔心考成點，仲話如果出成績，要約埋一齊返學校睇，一齊喊喎，唉，我同我個 friend 講，話佢會睇住我喊，佢就話我要借個膞頭俾佢喊……唉，希望我們個個都 pass，唔駛喊啦……

不過，事情已過，都冇得去改變，自問都叫盡了力，惟有一切交託，求主保守！阿門。

雖然叫做考完試，終於都甩難，不過，其實我們將要面對更多的挑戰——實習。唉，我到家下都仲未搵到 training contract 呀！點算呢？真係要俾心機，我諗都係時候寄第二批求職信啦……唔係就真係要做雙失啦……

願一切都交託俾主，求主帶領前頭的路，就讓我耐心地等候主的恩賜，阿門。

----------------------------------------------------------------------------------------------------------------------------

哈，不過我諗我都會懶番一排先，或者等我呢個甜品小廚師復出啦！都真係好耐冇整嘢食啦，要整番先得！哈，應承咗嬸嬸整糯米糍俾佢食架，等我搵日去整先得……至於其他嘢食，都真係要等我練番一排先得啦，哈，我都唔係好記得蛋撻點整咯……要快 d call 返 d 記憶返來先得！！哈哈……

另外，就等我趁呢段時間約番 d 朋友仔出來玩先，hehe

我要檢舉

台長：山邊

人氣(24) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)