尊聖金禧誌慶＠心靈鑰匙｜PChome Online 個人新聞台

2004-04-05 01:43:00| 人氣24| 回應0 | 上一篇 | 下一篇

尊聖金禧誌慶

推薦 0 收藏 0 轉貼0 訂閱站台

今日係我間教會建堂五十週年堂慶的大日子，信義會尊聖堂已經喺屯門區屹立了五十年之久啦，真係犀利，感謝神喺過去咁多年的帶領，尊聖堂能夠有今日都全賴祢與我們同在，感謝主！

今年除了係尊聖堂五十週年紀念外，亦都係信義會教會在香港建會五十週年的金禧紀念、李牧師話佢今年五十歲啦、而曹瑞雲監督就已受洗歸入基督有五十年咁耐！！這一切一切都係主祢所賜的，感謝主！

數算一下自己，我加入尊聖堂都有二十年咁長啦！hehe……好老呀呵！我當年係喺尊聖堂讀幼稚園架，就係咁，我就開始返主日學啦，返吓返吓，洗埋禮，再返埋崇拜、團契，教吓主日學……哈，唔經唔覺，咁就二十年啦，尊聖堂可真是我第二個家！！尊聖堂陪住我成長，同樣地，我都睇住尊聖堂一日一日咁喺度改變，喺度成長，感謝主我有呢一份的榮幸！

我自知對尊聖堂冇乜貢獻，但主祢一直與我同在，保守我，最重要係祢讓我自少就認識祢！雖然我冇好特別的見證，但神喺我身上已做了好多好多恩典，祢的供應、恩典果真夠我用！其實，平凡已是一種恩賜！況且在主的心目中，我絶不平凡！

我真的唔敢想像，如果我的生命冇了主祢究竟會喺點？相信會冇宜家咁開心、咁滿足……感覺總是有 d 缺乏，冇了一份平安咁，但我唔需要擔心，因為我已經得了呢份救恩！

好慚愧地，女兒喺好多時候都逃避侍奉祢的機會，對唔住呀，求祢寬恕，求祢保守，求祢賜女兒勇氣去跟隨祢，遵行祢的旨意，建立教會——呢個我都有份的家！盼望尊聖堂有更多個五十年，盼望女兒能捉緊侍奉祢的機會，盼望弟兄姊妹一齊努力，繼續建立教會，為主作工，求主垂憐！

本來想送《恩典太美麗》呢首歌俾大家架，不過，都係《尊聖堂金禧誌慶》比較適合……
《尊聖堂金禧誌慶》李鴻標牧師詞

尊主為大五十載，聖潔生命做燈臺
堂內堂外同喝采，高聲唱哈利路亞
金碧聖殿齊建蓋，禧年在望主再來
誌念主恩笑顏開，慶賀欣喜揚主愛

P.S. 要特別記低，今日大多有返教會，佢自從搬了去大尾篤之後，都好耐冇返尊聖堂啦，今日見到你，真係開心！

我要檢舉

台長：山邊

人氣(24) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)