唔同的人會有唔同的價值觀，喺唔同的事上，人可以有唔同的價值觀。基督徒和非基督徒的價值觀就係一個好好的例子。
非基督徒覺得：
- 返教會好無聊，只係一種另類的課外活動，得閒咪返，唔得閒咪唔好返囉
- 會問點解星期日會有咁多基督徒返教會？點解要一早起身？點解唔瞓晏 d？或者去街呢？
- 點解要奉獻呢？ d 錢唔係放喺自己度好 d 咩？à 教會呃人錢，要求 d 信徒“十一奉獻”
- 返教會好困身喎！又有咁多“規條”要遵守！
- 都傻傻地的，咩都感恩一餐，都唔知有咩好感恩？家吓神幫你考試、幫你見工？神出糧俾你……？
基督徒覺得：
- 要有穩定的教會生活，參加崇拜、主日學、團契、甚至係作侍奉的工作
- 唔可以用“唔得”來形容基督徒係唔可以唔返教會，所以基督徒要個個星期都返教會。其實係我們知道我們「需要」返教會，去親近神，學習神的話，與弟兄姊妹有相交的機會 [當然唔係單單一星期返一次教會先親近神啦！]
- 教會就係我們的家，所以我們既享受教會的生活，同時也要對呢個家有一份承擔
eg) 奉獻 ~ 咪好似你俾家用咁囉，從來都冇人會迫你奉獻，也冇規定你要奉獻幾多，一切都係從心，要甘心樂意
- 唔係規條，而係你甘心樂意去付出的。跟主的愛相比，我們呢 d 付出又算得係咩呢？
- 常存感恩的心：萬有都係主所賜的，咁我又有咩好誇口呢？要凡事謝恩！
- 我們知道單靠自己的能力係唔夠的，倒要謙卑的來到主跟前，讓主帶領我們的路
仲有好多好多唔同的價值觀！
尚未信主的爸爸會覺得：
- 正在讀書的我，讀書才是最緊要，要做功課、考試等就唔好返教會啦
- 點解亞女要參予咁多教會活動？ (其實真係唔多) 一星期返一次崇拜咪夠囉，點解仲要返 d 咩團契、主日學……
哈哈，我們仲有好多好多唔同的價值觀喺度衝擊住，講真，個感覺都幾唔好受。奇怪的係，我從來都冇認真地向佢解釋點解我要返教會。有時佢會問：「今個星期唔返教會得唔得？」我只會回答一句：「唔得」。喺佢的角度，返教會只係我的習慣，並唔係一個「需要」。其實返教會係我的「需要」，而且我都咁大個人咯，我對自己的時間安排會有一定的分數，我唔會“夾硬來”，我返即代表我應付得來啦，咁你們就唔需要擔心咁多啦！(不過，我相信，亦知道你們係關心我，怕我應付唔來啫)
Hehe，我都真的要好好檢討一下，等我以後可以向爸爸，甚至係媽媽解釋點解我要返教會。
哈哈！基督徒和非基督徒的價值觀實在太唔同啦，不過這並不代表呢兩大類人唔能共同生活，講真我身邊還有好多好多人尚未信主，如爸爸和一班好朋友啦！我們都可以好開心咁相處。不過，總會有 d 難處的……尤其係談及到信仰時，哈哈，而信仰又跟我們的生活有密切的關係喎……hehe，有難度，真係有難度！
我記得睇過一個“火柴人”的漫畫短片，當中講到唔同價值觀的人好難相處。它好實在的用高度來舉了一個例子，比喻一個價值觀高 d 的人站喺較高處，看到好美麗的風景；但一個價值觀較低的人就站喺較底處，猛喺度話：「冇喎，邊度有美麗的風景呀？」再睇真 d，原來佢站在一座高山後，視線完完全全地被呢座遮住了。由於價值觀高 d 的那個站在較高處，剛剛就係高山上，所以佢見到美麗的景色……
hehe，自問就冇咁多耐性，亦冇咁的能力去改變一個人的價值觀，況且我的價值觀未必全正確，求主帶領，陶造我的一生，阿們。
文章定位：
