為期兩星期的 Intensive Advocacy Course 喺剛過去的星期六完滿結束，哈哈，終於都甩難咯！！
第二個星期的 advocacy教大家做 opening & closing speeches，比起之前做 exam-in-chief & cross-exam 難得多，所以呢個星期比上個星期忙得多，星期四又 assess closing speech 喎，星期六就要去高等法院度完完整整地去 conduct一個 trial 啦。我和我的 co-counsel (Mark)代表控方，我負責 opening，佢負責 closing，控辯雙方都有兩個證人，咁我們就一人做一個 exam-in-chief & cross-exam 啦。
----------------------------------------------------------------------------------------------------
星期四 assessment，完咗之後就去咗食飯，哈哈，有 d 好搞笑的話題出咗來，有人問 Arthur係咪大陸來架，哈哈，佢仲要聽錯咗人地問佢係咪“大學”，哈哈，真係笑死我們成枱的人呀，哈哈……之後就去了 Scholarship & Prize Presentation Ceremony 2004，真係悶到爆呀。因為我個 prize donor 冇來到，結果就由 CityU 個Vice President — Professor Ko 頒俾我啦，我個 prize 又叫 “Robertsons” 喎，結果就被排到好後先上台，坐足全塲，真係悶到爆呀！！不過，其間見到有個同學仔上台攞獎需要別人扶住帶路，發現原來佢係一個瞎子，好犀利呀，咁都拎到獎學金，真係叫我們呢班健全的同學感到有 d 慚愧呀！我都要感恩，自己有個健康的身體。完咗之後，有個 tea reception，便搵埋幾個 SLW拎獎的同學一齊影相，咁就五點幾啦……之後，同拉架仔行咗一陣街便返屋企啦。
-----------------------------------------------------------------------------------------------------
星期六一早九點正去到 High Court，上午我係做 witness，下午先至做 counsel，所以我唔需要喺個 court 入面坐足成個上午，當我做完 witness 之後，就走返出去同 d 朋友仔傾計，再等埋佢地做完 witnesses，喺十二點半度就一齊出去食飯。下午兩點就正式開始 trial，哈哈，做成點？真係不提也罷……更加穩固我唔會做 barrister 的決心，哈哈……不過，都係嗰句，咪試吓囉，反正將來都唔會有咁的機會……個 trial 五點幾完咗，結果係贏一個 ground、輸一個 ground。
跟住就走了去 Pacific Place 搵番同 group d 朋友仔，因為當晚正值係 Richard 生日，他邀請我們去食飯慶祝，但就成七點先開始，所以大家就喺 Pacific Place度 hea啦。 坐坐吓，大家都覺得好悶，便起身去行街，之但係有幾個男仔跟住，哈，我們入咗一間鞋店度， d 男仔二話不說咁坐低咗喺度傾計，到我們離開咗，佢地都唔知……哈哈……真係搞笑……
當晚去了一間叫 Habibi的亞拉伯餐廳食飯，d 嘢食好得意架，全部都“一 pat pat”的，唔係 broad beans 就係咩 egg plant，不過都幾好食。之但係，大家之前嗰晚都忙緊 prepare 個 trial，所以都好夜先瞓，哈哈，搞到個個都冇乜心機食嘢，所以有好幾款嘢食，大家都冇試到。最後，間 restaurant 就送了一個 pie 狀的 cake 俾我們，加埋我們買來的 Haagen-Dazs 的雪糕蛋糕，食完都成十點幾、十一點啦。之後，大部份人都四散返屋企，只係得番幾個人同 Richard 去蘭桂芳飲酒……
餐飯其間發生咗件好冇聊，係超級冇聊的事——話講我坐喺一個男孩子隔離，咁大家同學仔就梗係有傾有講架啦，點知俾班同學仔攞來講笑，仲要係細聲講、大聲笑嗰隻，仲叫我們呢邊的人坐埋 d 一齊影相，但我深信佢地只係影我們兩個……好冇聊、真係好冇聊……之後，Debby走咗，另一個男仔又坐埋來傾計，佢地就繼續講笑……唉，你們咪以為我唔知你們喺度講我先得架，雖然我同嗰兩個男仔都冇嘢，我唔怕俾你們講，之但係，你們咁的眼神、又細聲講、大聲笑，搞到個氣氛有點兒尷尬囉……唉，好冇聊、好幼稚、好荒謬呀，估唔到呢 d 連中學生玩，我都嫌幼稚的嘢你們都會做出，唉……唔好以為我個樣傻吓傻咁就唔知你們講緊乜先得架，其實某程度上，我幾識得睇人眉頭眼額架！！仲要係我同個男仔都估到你們喺度做乜呢吓死嘛，你們做得咁低招，真係 cheap 呀！
唉，都冇你們咁好氣呀，費事啋你們呀……
----------------------------------------------------------------------------------------------------
星期日返完教會之後，同媽咪行咗一陣街就返屋企訓覺。南南和彤彤過咗來玩，但我就繼續訓覺，到六點幾媽咪就我起身同兩個妹玩啦。唔知點解，佢地玩得好開心，玩到成十一點先走……個靚妹仔唔知做咩，尋晚 d 姑姐搵佢玩，佢唔肯跟佢地，又唔肯入屋喎，猛喺度捉住我隻手。跟住南南抱佢去姑姐度，我咪同南南返上屋睇電視囉，冇幾耐，敬熙表弟就帶佢返上來，個靚妹仔一見到我就喊啦，哈哈，佢話因為唔見咗我所以喊喎……哈哈，突然間咁跟我，真係有 d 受寵若驚呀，哈哈！！不過，你咁得意，又真係好得人錫的！！
----------------------------------------------------------------------------------------------------
今日正常返學，ACM今日玩問問題，要我們一行一行咁企起身，逐個逐個問問題，哈，咁就玩咗成個鐘……嘩，你真係認得我係邊個呀，好驚呀，唔知你會唔會成日問我問題呢？希望唔會啦……今日放半日，之後就同拉架仔和 Loretta去咗尖沙咀行街街，行到五點幾先走。
----------------------------------------------------------------------------------------------------
繼續等候，耐心地等候，希望快 d 搵到工啦，求主帶領、保守與賜予，阿們！
文章定位：
