今日嗰堂 criminal procedure tutorial真係離晒大譜，一班十二個人只係得三個人上堂，我係老師都唔 like 啦！同學仔，你們都得架啦，又會咁啱個個都唔返的？
等到 11 點上堂的時候，成個班房都只係得我一個人，我不其然地睇睇個 timetable，以為自己睇錯時間，定係堂 tutorial cancel咗，而我唔知呢？！又驚 Gaynon走入來得我一個人喎，如果係咪變成一對一？唔係卦……唔係個個都掛住做份 assignment，所以唔返卦？
好彩過多幾分鐘，見到 Arthur 的出現，哈哈，我們兩個都猛喺度問係咪唔駛上堂……結果喺 11:10am，Gaynon出現啦，佢都嚇了一跳，以為自己入錯班房，猛喺度問：“Am I with you?”哈哈，真係搞笑，佢又問：“What happens? Where are the others?”，跟住佢就走過隔離房搵 ACM，向佢告狀。哈哈，ACM身為呢科的 leader，(佢又出名惡和 harsh喎) 就梗係要過來睇睇，又話吓我們啦！哈哈，其實佢啱啱先鬧完 group 1，話佢地唔做 tutorial就走來上堂……哈，再知道我們 group 只係得兩個人 attended the class，梗係火都來啦……之但係，你猛喺度問我其他人喺邊有咩用喎，我點知啫，向我發牌氣都冇用架……
於是，Gaynon就同 ACM走了出去，叫我們做吓份 indictment和 formal admissions，佢遲 d 先返入來。佢地走了之後，Mabel就返來啦，哈，咁我們全班就只係得我們三個人上堂啫，犀利！我都好佩服大家同自己，好嘢！！
-----------------------------------------------------------------------------------------------------
下午三點鐘有個 interview，我兩點九就上了去啦，但要等到成三點半先 in喎，in完都係四點度。唉，都唔知係咪我 in 得差，佢話冇咁快會再有 2nd in，又叫我五月考完試打電話去問吓喎。我話我想早 d 知道個 result，佢就叫我 you can call me in two weeks’ time，哈，仲問我有冇佢電話o忝。唉，你係有心請我就唔會叫我自己打電話去問你啦……你用呢招來耍走我都算高明，之但係你話希望搵個 trainee 係 hardworking、diligent、initiative，咁我過兩個禮拜就打俾你，睇吓你點打發我走先……
唉，希望會有更多 interview 的機會啦，快 d 俾個 offer 我啦，I’m not feeling secured 呀！！不過，我知我要學會等候，雖然呢段等候的時間好難捱，但我有信心神已為我預備道路，我對祢有信心，求祢帶領！！阿門。
----------------------------------------------------------------------------------------------------
Interview 完了之後就立即返返去 city，因為 Myrette為我們 pcll students & teaching staff安排了一個影相活動，咁呢 d non-compulsory 的活動就當然係唔齊人架啦，但我諗都有八至九成的人出席。個攝影哥哥好搞笑 (我記得早幾年的 orientation day唱 choir都係搵佢幫我們影相的) 佢一句句子裡面夾雜住廣東話和英文都真係好搞笑。咩“我見到 some students close their eyes”、“keep some smile”、“this is real”……真係好好笑。又俾 d 即影即有的相我們睇，睇吓收唔收貨喎，哈，Myrette有老花架，你叫佢睇張咁細的相點睇呀？我都覺得難睇啦， d頭仔咁細……之後真係影的時候，喺個鏡頭度見到後邊有 d 清潔伯伯喺度，佢又話：「亞哥哥，麻煩你要行過少少，你入了鏡呀，麻煩你行到去個垃圾筒的位置……」跟住又話：「咦，唔得喎，要再行過 d，要 lei 埋喺支柱後面先得呀」哈，真係俾你笑死！！
影完相就都已經 5pm，大家就拉隊去上 5pm 的 lecture，上到 6:30pm，咁就一日，攰死人呀……
文章定位：
