“心靈鑰匙”去了邊？＠心靈鑰匙｜PChome Online 個人新聞台

2004-02-28 22:28:00| 人氣20| 回應0 | 上一篇 | 下一篇

“心靈鑰匙”去了邊？

推薦 0 收藏 0 轉貼0 訂閱站台

我又返來啦！都好耐冇來報導新聞啦，唔知大家有冇掛住我 d 新聞呢？……嘻嘻，我相信個答案係：絶對無的！！哈哈……唔緊要，我明白的。

記得當初幫個新聞台改名的時候，我諗了好耐都唔知改咩名好，最後改了佢叫“心靈鑰匙”，仲話「我願意公開我的心靈鑰匙，讓有興趣認識我更多的人進入我的世界裡」……但係，原來我仲有好多好多嘢都係收收埋埋，唔願意或者係我好怕公開俾大家見到、俾大家認識……哈，唔知咁樣算唔算係正常的呢？

未開新聞台之前，我會將 d 我認為應該記下的事寫喺一本簿度，開了新聞台之後，我將大部份“新聞”都記喺新聞台度，我以為我唔再需要嗰本簿，但原來唔係……原來我仲好需要嗰本簿架，我會將 d 我好 personal 的嘢記喺嗰度，包括係一 d 我會跟上帝講的嘢。原來嗰本簿先係真真正正開往我內心的“心靈鑰匙”喎，除了我，就只有上帝先去到……哈哈，唔好意思，“心靈鑰匙”未能完全發揮它的功能，不過，我覺得它都好盡責架啦，它將我絶大部份的新聞如實地報導，只係每個人總有一 d 秘密、一 d 軟弱的地方係唔願意公開啫……希望大家見諒！

而“心靈鑰匙”係會繼續如實地報導我 d 新聞的，希望大家多多支持！謝謝！！

另外，搵工方面，希望有更多 interview 的機會，求主帶領，叫我耐心等候，我相信祢已為我預備一份適合我的工作，就叫我好好的預備自己，賜我能力與智慧去 interview，去接受主所為我預備的工作，求主保守，阿門。

我要檢舉

台長：山邊

人氣(20) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)