呢個 weekend 咩 academic 的嘢都冇做到，只係訓覺和睇電視，哈哈，我好耐都冇試過成十一點幾先起身啦！真係開心！！
呢個 weekend 真係好悠閒，俾自己一個好好的休息時間，為自己“差一差電”。可能就係要為來緊嗰兩個禮拜的 Intensive Advocacy Course差定電都唔定，有幾 intensive？咪一個星期返足五日學囉，仲要來緊個星期五有 assessment o忝呀！！會唔會好辛苦？真係唔知，我都未上過，之但係 d 老師成日同我們講，我們上 intensive advocacy course，祝我們好運喎 (加一 d 冷笑，所以真係唔知個 course 有幾辛苦)。而佢地呢，就有兩個禮拜的時間俾佢地抖抖，俾佢地整理一下佢地堆積如山的工作……
我喺呢個 weekend睇咗好幾套電影，因為上網寬頻送的 now 電視送了一個月的“衞視電影台”俾我們，咁我冇聊冇嘢做咪轉過去睇囉……仲有呀，我都睇咗星期四同拉架仔喺葵芳買的《玉女添丁》(等我今晚睇埋套《新紮師妹 1》先)。就咁睇睇，我發現我幾鍾意睇楊千嬅的戲，其實呢兩套戲我都睇過晒，不過都好想再睇，我諗係因為楊千嬅俾人一種好開心的感覺，睇佢 d 戲會好輕鬆、好開心……
另外，今個星期睇了《愛君如夢》，入面有一 part 戲係 d演員喺度跳舞唱歌，我發覺我係好鍾意睇歌舞片的，仲要係載歌載舞嗰 d，唔係單單唱歌嗰 d。只可惜呢類型的戲唔多，我記得我睇過幾套外國的歌舞片，真係好正，你會睇到所有演員喺度跳舞唱歌，可以成個公園 d 人都喺度跳同一隻舞，真係好正，個畫面好靚……如《Hello! Dolly!》、《West Side Story》(可惜佢個故仔好淒慘，我睇過一次都冇再睇過)、又有卡通片《The Anastasia》、《The Fantasia》、仲有早幾年由 黑人歌手 Brandy 主演的《Cinderalla》等等。希望將來可以睇多 d 呢類型的戲，其實 Disney 好多的卡通片都做到歌舞片的效果架，真係好鍾意 Disney！另外我都好想睇《Disney On Ice》，每年佢來香港表演，我都好想買飛去睇，因為 Mickey 係我最鍾意的卡通 character，我又好鍾意睇溜冰喎，因為好靚，好優美 (hehe，不過我係唔識溜冰的)。可惜到宜家我都仲未有機會去睇，等我睇吓出年有冇機會去睇先……hehe
---------------------------------------------------------------------------------------------------------------------------------
星期六返團契，今日返崇拜、主日學和下午的「兒童崇拜導師工作坊」，我希望自己真係可以好似馬利亞 (耶穌個媽媽) 咁以主為尊，樂意接受和承擔主給我的使命，求主使用我，願主旨意成全，阿們。
《我心尊主為大》
我心尊主為大，我心尊主為大
我靈以我神，以我的主為樂
我心尊主為大，我心尊敬祢
文章定位：
