肚痛定胃痛？＠心靈鑰匙｜PChome Online 個人新聞台

2004-02-14 13:06:00| 人氣85| 回應0 | 上一篇 | 下一篇

肚痛定胃痛？

推薦 0 收藏 0 轉貼0 訂閱站台

星期四晚原本會同自己 tutorial group d 同學去飯，但最後都係冇去到，因為我胃痛……其實都唔知係胃痛定肚痛。

我記得細細個的時候成日都會肚痛，媽咪就買保濟丸俾我食，所以我唔怕食藥丸，因為我好細細個經已可以食晒成樽保濟丸。細個肚痛得好緊要，會痛到面青口唇白，媽咪帶我去睇醫生，醫生都唔知點解，結果都係開 d 好似保濟丸的藥俾我食，效果如何？哈，都係咁啦……不過，個人大大吓，肚痛的情況好似有所改善，唔似細個咁成日都會痛……

唔知係咪因為痛慣咗的原因，我的忍痛功能 function 得幾好，即使個胃 / 肚痛，大家仲可以見到我“精靈”的一面，完全唔覺得我會有咩唔妥。如果你可以喺我面上睇到我痛苦的樣，相信我真係好痛啦……就好似 02年尾，唔知係咪食錯嘢，搞到我又痾又嘔、肚入面 d 腸好似喺度打仗咁，痛到我都返唔到學……睇完醫生，留喺 daddy 公司等返屋企時，痛到我要瞓喺個地上……哈，笑死我媽咪呀……

------------------------------------------------------------------------------------------------------------------------------------

好想食栗子，我好鍾意食栗子！不過，屯門就唔係周圍都有得賣，我買過置樂嗰 d，但就覺得唔係咁好食，等我下次試吓景峰虹橋酒樓嗰檔生炒栗子先……我好掛住旺角嗰 d 栗子呀，等我下次去開旺角時，買番磅先，yummy！

之但係，我又好麻煩的，覺得栗子要新鮮食先好，剛剛炒完就 perfert 啦。但係食栗子又會搞到對手好污穢喎，所以我通常都會買番屋企食。如果係咁的話，由旺角買番屋企先食，起碼都要成個鐘，o……冇咁好食咯……都係等下次同爸爸一齊出旺角，買完之後就立刻跳上架車度，哈，咁半個鐘度就可以返到屋企“嘆”我 d 美味的生炒栗子啦，正呀！！

我要檢舉

台長：山邊

人氣(85) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)