廿二歲啦，又老了啦，嗚……不過，我今日返教會見到好多人，都有好多人走埋來跟我講聲“生日快樂”。除此以外，仲有其他朋友的SMS短訊、電話、E-Card 和 icq message啦，總之就收到好多個祝福啦，多謝晒你們咁多位呀。我感到好幸福，好開心，多謝晒呀！！
仲有梗係要多謝你們的禮物啦 (講真我覺得一聲“生日快樂”已足夠，已經好 sweet 架啦，禮物都係其次，可以當做係一個 bonus！) 有那張寫滿祝福的生日咭、兩個好 sweet 的小蛋糕、“壽”字水晶紙鎮、兩個好得意的珠仔公仔 (有狗仔和一個我估係 Winnie the Pooh、仲有一套好靚的耳環和頸鍊，當然仲有我今年收到的第一份生日禮物—— 一個PUMA 袋啦。多謝晒你們呀，我好鍾意呀，也影了相留念架，最重要係我收到晒你們的祝福，多謝晒！
今日生日冇乜特別，最犀利、最特別，和最驚人的，我諗都係我一次過整了成六打缽仔糕啦，簡直係一個壯舉呀，勁呀！都真係幾痴線呀！唉……一路整，一路話自己痴線，哈，真係好似拎去賣咁，真係傻o左！冇的，見上次拎了兩打給 CS、一打給 EI都唔夠食，鬼死咁尷尬，仲要俾個冇份食的問我：「咦？Sabrina 你尋日整了 d 咩番來呀？」我咪答佢係缽仔糕囉，仲講晒唔好意思話唔夠食o忝，跟住佢話：「呵，我平時都唔會買來食，不過你整就想試下囉……」哈，真係想唔整都唔得啦，所以今次拎三打俾 CS，兩打俾 EI，實夠啦卦！？真係痴了線，拎成五打返去 (聽日仲好大可能會落雨o忝，都唔知點拎)，實笑死人，我諗佢地會暗笑問 Sabrina 屋企係咪賣缽仔糕呢？哈，真係笑爆嘴呀，自己都忍唔住笑呀……不過，大家開心先係最重要，加上見到大家近日唔係咁開心，整番 d 甜品俾大家食，希望大家食完會開心番 d 啦……
今晚呢就跟 daddy & mammy 去了食泰國菜，食我最鍾意食的咖哩粉絲蟹，yummy 呀。多謝爸爸和媽咪，我話想食，你們就陪我去食，哈，多謝晒！不過，美中不足就係打風啦，搞到我冇得睇明珠，或者呢 d 叫缺憾美啦呵……下次再去過，yeah！
總之就一句講晒，多謝晒咁多位，多謝你們給我的祝福，好 warm，好 sweet 呀！
最後，就梗係要感恩，多謝神咁多年以來的帶領，求祢繼續帶領女兒和女兒一家，孩子都願意將自己擺上，求主使用，也求主叫女兒學會順服，遵行主的旨意，阿門。
文章定位：
