心傷＠心靈鑰匙｜PChome Online 個人新聞台

2003-07-11 01:17:15| 人氣39| 回應0 | 上一篇 | 下一篇

心傷

推薦 0 收藏 0 轉貼0 訂閱站台

今晨屯門公路發生一宗嚴重的交通意外，我出門返工時都冇睇新聞，所以唔知發生咩事。當巴士行經意外地點時，我見到有好幾架警車，又有九巴公司的維修車，初時以為巴士壞車。之但係，跟住見到有架無線新聞採訪車，就知道發生交通意外，但卻睇唔到架巴士喎。接住再見到有好多個手拿相機的記者坐o係欄杆邊度，境頭一致地向下方影相……心知不妙，究竟下面發生咩事呢？心諗唔會係架巴士跌o左落山卦？！隨即聽到收音機播新聞，心裡好難過，it's so horrible!!! 死亡數字仲要不斷上升，直至放工證實有 21 個死亡，仲有二十人留醫，三人危殆，真係好難過，好痛心……What a horrible tragedy!

晚上睇新聞，睇見一輛損壞不堪的巴士翻在山坡上，消防和救護人員把一個個死傷者由巴士殘骸抬出，親人o係醫院好慌張、好無助咁搵親人，甚至哭不成聲的情景，真的想跟佢地一齊喊出來……希望他們安息，也求神醫治仍然留醫的傷者，不單醫治佢地的身體，還有佢地的心靈，安慰佢地的親友、目擊呢次意外的人、所有對是次意外感到不安的人 (甚至係那位貨車司機)，God bless！

雖然大家都對呢年事感到好難過，但在呢件事上都有感恩的地方：
1)雖然巴士跌在山坡上，又只得一條路來往山坡和救護站，但在拯救工作的過程中並沒有下雨 (當時雷暴警告是生效的)，否則定必阻礙拯救工作 (晚上行經那裡時卻下著大雨)。

2)屯門公路那一截被撞斷的欄杆飛落汀九村一間鐵皮屋，卻沒有弄傷屋內任何一個人。

主呀！求祢與我們同在，保守我們前頭的路，醫治我們軟弱的靈，叫我們不致離開祢，阿門。

我要檢舉

台長：山邊

人氣(39) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)