肥仔，生日快樂！＠心靈鑰匙｜PChome Online 個人新聞台

2003-05-19 22:16:50| 人氣46| 回應0 | 上一篇 | 下一篇

肥仔，生日快樂！

推薦 0 收藏 0 轉貼0 訂閱站台

今日係我個肥仔 (即我爸爸) 的牛一，媽咪請我們出街食飯。

我亞婆 (即祖母，但客家人叫亞婆)，每年都會叫媽咪買條褲俾爸爸，寓意大富大貴喎。

而我們給爸爸的生日禮物是一條領呔加一個皮帶扣，佢就一如以往説：「嘩！做乜買咁貴的o野呀？我都有大把啦，唔駛喎。」哈！其實我們買的絶對唔係貴o野，佢每次用我們送俾佢的禮物時，都會大讚耐用、正等，再唔係話我們o徒錢啦。而每年買俾佢的禮物都係o個幾樣——領帶、皮帶、恤衫、西褲，有一段時期佢好鍾意用吊帶，我們就送吊帶俾佢。又試過送筆同銀包，但呢兩樣好耐用，而佢又好“奄尖”，銀包要長型，要多格的，最好可以俾佢插枝筆，所以我們都好少諗兩類禮物。

我鍾意叫我 daddy 做肥仔，因我覺得好得意，又親切。呢個稱呼都係我嗌先，屋企人跟住叫的。爸爸都好受落，佢唔介意我們咁叫佢，曾經有 daddy 的朋友聽到我咁叫佢，話我冇 d 規矩，做咩“爸爸”都唔叫聲。但我 daddy 跟另一個 uncle 就話：「車，有咩所謂喎，都係一句o者，幾好呀，都不知幾親切，我好鍾意喎。」哈，不過唔知係咪叫得佢肥仔多，佢小器，所以廋了呢！都可能係架，不過都有其他原因的……

我問佢今年有咩生日願望，佢話：
1) 我讀多一年書好啦，唔好讀咁多。(咁又係的，供我讀書又真的幾昂貴架)
2) 細佬大學畢業。(如無意外，仲有三年)
3) 佢老公婆行得走得。

我笑問佢做咩冇哥哥份的，我話俾哥哥知，話你生日願望冇佢份。佢就話哥哥大個仔啦，有自己的生活喎。咁又係的，佢成日話佢最大的責任就係供書教學，我們讀完書之後就唔理我們喎。但其實佢最大的願望都係一家人健健康康，平平安安，有冇錢唔緊要，叻唔叻都唔緊要。哈！所以都有哥哥份架！哥哥你唔好嬲呀！

我敬愛的肥仔，我o係度祝您生日快樂，身體健康，開開心心，年年有今日，歲歲有今朝……至於您o個幾個願望呢，我能力範圍做到的，我會努力幫您實現。其餘的，我就o係禱告裡為您代求啦！

The coolest father deserves the coolest celebration on his Birthday!

我要檢舉

台長：山邊

人氣(46) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)