2005 年啦！祝大家新年進步，心想事成，萬事如意……
記得去年的 1 月1 日，我跟父母睇《地下鐵》，當日都發生咗件頗搞笑的事。
今年的1 月1 日，我就跟父母去咗珠海和澳門，坦白講，冇嘢好玩，只係行吓，食吓咁，最滿足的係食咗包栗子，yummy！ 去到澳門就入咗兩間賭場 ( 金沙和希臘神話 )，名副其實的烏煙瘴氣，所以只係逗留咗一陣就離開！吃過晚飯後就坐的士去碼頭，點知返海港城的船已喺 15 分鐘前離開，我們只好轉乘到中環的船，再轉地鐵過尖沙咀，再駕車回家，咁就成 12 點啦！
第二日返教會，一心諗住上主日學，點知因為自重班學生話要停課去慶祝新年，所以師母和我們就扭計叫劉牧師都唔好上堂啦……哈哈，我們的奸計梗係得逞啦！不過，實在太耐冇上主日學啦，感覺好空呀！之後，就拎咗件米奇老鼠大褸去整，就返屋企咯，因為媽咪病咗呀……所以，呢日我就好乖吓咁喺屋企做公司的嘢啦！
3.1.2005 — 呢日係 Jimmy (喺澳洲返來做 1 至 2個月的winter student) 第一日返工的日子，佢真係好細個，好得意呀！但我真係冇嘢俾佢做，Ms. Leung 就叫我俾 d 203 a/c 佢做……真係慘！冇計啦，我都想清咗呢 d 嘢佢，但真係未有時間……俾心機呀！最搞笑係今日 (11.1.2005)我走去搵 Jimmy 時，見佢伏咗喺枱上，就問佢係咪做到好悶，點知佢冇反應，我就揮手咁叫：「喂，Jimmy……」，哈，嚇到佢即刻彈起，然後猛話：「死啦，死啦，唔好意思……」。哈，唔緊要，我都知做 203 a/c 好悶架啦！我初初都用咗成個月去清咗一批啦！希望你喺呢段時間可以清咗呢批佢啦！我一有時間就同你一齊整吓，唔駛驚，多個人一齊做，應該會快 d 的……
5.1.2005 — Tony Au 因星期一 settle 咗單 case 而請大家到名都食飯，多謝晒！但秘書爸爸入咗院，冇返工，佢打電話返來時都想喊想喊咁，搞到我都好想喊埋一份，感謝主！佢爸爸家吓冇乜大礙，求主垂憐！而當晚都係我返工有史以來，最遲放工的一日！雖然當日放工噴殺蟲水，以為可以早放工，點知係要將 d 嘢搬去 Mr. Woo 度做，結果做到成 12點先可以走人……返到屋企都成 1 點啦……好攰呀！！
7.1.2005 — 就同同事去咗北角街市食海鮮，一行九人，食咗好多嘢，都幾好食架！好開心！下次再去過！
之後幾日都冇乜特別！同秘書關係都好咗 d，希望大家可以互相尊重啦！
9.1.2005 — 第一次喺香港坐直昇機，第一次喺高空睇香港，第一次坐 Matthew 駕駛的直昇機，我坐機頭呀！好開心呀，好好玩呀！睇咗好多香港的島嶼，都睇咗廸士尼樂園呀！好大呀！第時一定要去！我們仲睇到維港的夜景o忝呀！真係好靚架！我都影咗 d 相，但由於當日的 visibility 好差的緣故，d 相影得麻麻，可惜，可惜……不過，唔緊要，已經約定 Matthew 搵日天氣好 d 再飛過，下次同 Teresa & Janice 一齊飛，yeah！好開心呀，好期待呀！hehe，坐直昇機前都食咗包栗子，晚飯後就食咗個什果涼粉，yummy！
*********************************************************************
好啦！講返今期至愛先，我發覺我一到冬天就好鍾意食栗子和朱古力，真係好好食和好想食！即使好飽，都好想食，哈哈，死啦，咁食法，實肥死啦……真係要節制吓啦！不過，我又好想食 Mrs. Fields D cookies 呀，日日行過，聞到好香，真係流晒口水呀！
至於公仔方面呢，我發覺我近期都幾欣賞 Monchichi呢隻馬騮仔，好得意呀，行街見到佢的 products 都好想帶晒佢地返屋企，可惜佢地實在太貴啦，貴到我覺得唔係好值，所以都係欣賞佢算啦！或者，得唔到的嘢，係矜貴 d 的呢，hehe！仲有就係 tigger 呢隻老虎仔，唔知係咪俾 tiger妹妹影響到呢？哈哈！不過，我的至愛依然係 Mickey Mouse！
顏色方面，我以前鍾意藍色，咩都揀藍色，連衫都係藍色。但自從有人問我除咗藍色衫外，有冇其他顏色的衫後，我就轉移目標去咗粉紅色度啦，近期就鍾意咗買綠色、黃色、橙色呢 d 我冇乜的衫啦！哈，我個 friend 之前送咗個髮夾俾我，話特登買藍色俾我，因為知我鍾意喎……哈，嗰刻真係想講佢知，我變心啦！我今期鍾意咗綠色……不過，算啦，我都鍾意藍色的，多謝晒！另外，可能係靚女秘書的緣故，我多咗留意有毛毛的衫，hehe，但我都係唔係咁欣賞，因為 d 毛四圍飛……
hehe，原來我係咁易變心的……
文章定位：
