9月4日 (星期日)
今日去左皇室堡red box慶祝阿保同豪哥生日………
唉……… 我好衰呀……算啦! 正常反應……唔想彩佢係正常既…… 好想殺死自己呀今日……呀~~~~~~~~!!! 救命!!!! 呢個都唔係我自己黎架!!!!! Heavy……
今日重邀請左一個舊同學出黎一齊唱k，冇…因為佢同豪哥家陣係同事! 初頭我都唔肯定呢個人我係咪識架!? 因為我都唔係同佢地同班既……我呢個5F班同學，全班得9個男仔(可以組一隊曲奇餅)一定記得佢地邊個打邊個，其他20個以上都係女仔，我已經唔得記我班有幾多人，淨係記得好多女仔!!!! 都唔明白係我少見定點呀，我見返d舊同學個個都唔同哂樣!
今日阿昌個家姐都有黎，都係黎左一陣，我唸兩姐弟又係度練歌黎呱! 阿ta姐重搵左官恩娜簽左佢個大名係佢隻專輯，重要係to frank架! 咪豪哥囉……開心到佢死左，事緣上次我地三個去睇森美小儀喎! 豪哥隔離坐左李惠敏同ella喎! 之後佢同ella搭訕重好好傾喎，就係咁…佢鍾意左啦! 所以個晚我同阿昌係咁ella前ella後，唔好以為ella係佢既新女友，ella只不過係官恩娜小姐也!!!
另一個壽星仔阿保，我地就送左頂cap帽同t-shirt比佢，講真…識佢咁耐都唔知佢好咩，所以買衫實際d，重係我負責去買，花多眼亂，又驚買左唔岩，又唔知咩size! 都係一個好正常既問題，唔岩身最多去換囉…easy!!! 佢黎之前都有打個電話比我，問我地去唔去睇六壯士，呵~ sorry呀! 我以經睇左太遲啦~ 佢地更加唔會，因為聽日唔洗返工咩!
今日竟然有兩個蛋糕…講真…邊到食得哂架~ 我食左一件有淨1/3 已經好漏，如果唔係咁樣我其實係食得到成件! 隔左一隻，同咀榮黎個”長途電話”唔知講左幾耐，係個走廊一路傾一路蕩，我淨係知呀”歌神”由我出去傾電話到我講完好n耐佢都重唱緊歌……
今晚我選擇搭地鐵返屋企，明明好眼訓搭車都有恰一恰，死去呀! 返到屋企沖完涼我竟然失眠，訓得一d都唔好就天光……
9月5日(星期一)
Lunch hour, 出左去搵阿嵐食個飯仔，佢話”我都知你有野架啦! 唔係點會咁山長水遠搵我食飯呀!” 食個飯仔者…加上我又得閒! 係我係有野，傾計之嘛……我地不嬲都係咁架啦! 你真係衰架~~ >.< 原來琴日佢地已經發覺到我有野，見我好靜唔多出聲，下! 真係唔覺喎! 我有同佢地係度有講有笑有唱歌架! 係有d眼訓之嘛! 返到屋企同咀榮傾返琴日未完既”長途”電話，講返我呢件事比佢知，佢話”話左你唔識做戲架啦! 咁就比人睇穿左” 唏! 呀未來大導! 我識做戲就去左拍戲啦!!! 再嘈下次唔幫你手! 就係咁過左一日，我既心情又開始上升返…… 然後又係度拎阿聰出黎研究研究……哈~
9月6日(星期二)
嘩…今日下晝收到奪命連環call，個個咪阿聰囉! 乜今次咁落力呀! 唔通咀榮講既野真係無錯!? 哈~ 真係好少可…… 因為今日講講下話今晚食飯，我同咀榮絕對係冇問題，只不過係佢，所以講講下都無左件事，因為知道佢又唔知會搞咩! 咀咀琴晚已經叫我等佢真係打返黎先啦! 無錯…上次已經招左! 然後成個下晝搵唔到咀咀，以為佢返緊學啦! 呵~ 點知佢放左學去左返民政，真係勤力! 臨放工，終於決定出黎食飯，同佢地去玩係好突如其來……永無約實!
今晚去左旺角一間新開呱…叫今日食(好似係)食日本菜，好唔點囉…得個裝修似d樣，唸住新開唔會死得去邊….d女侍應個個都好唔點，其中一個女仔打算幫咀咀收走檯上面既蟹殼，唔知點樣整濕左佢，然後唔知點解阿聰隻碟多左好多殼! 因為我地三個岩岩好留心睇緊電視(做緊中國人的驕傲，大球場個個呢……) 本來打算投訴，跟住我地話不如食完先做啦唔係比人毒死都唔知咩事! 當然最後係冇左件事!
好好笑囉，佢地話我剪完個頭重細個左，得返16歲! 唔係fa…咁細! 重成日一手摸我個頭，又伸手拎我個鏈咀研究，又手多多呀! 當然係玩啦! 都知你兩個係色狼，hahahahhaha! 食完飯，尚早，唔知去邊好! 然後上左去上樓café傾計飲茶，不過同佢兩個玩真係好好玩，又好傾! 加上有野唔怕講，好好囉! 基本上，係冇秘密! 其實識左咀咀咁囉，好似呢幾年先開始玩得密左! 然後識埋阿聰，佢兩個可以算係我既紅顏知己hahahahah!!!!! 又比咀咀講中左啦! (我又跟左佢地叫咀咀，咀榮話俏咀好聽d，我心情靚先會叫佢榮榮! 所以佢個名都幾多變化) 阿聰真係好想識我個同學仔Joyce，因為佢又係讀poly又係住hall，因為想係房set電視，然後我打比佢傾左一陣就比左阿聰聽，d人呀…即係360度轉台，咪扮野啦衰仔! 跟住重擺埋我上檯，搞到我唔知點樣同返Joyce講野，好彩冇咩事! 正衰仔，想識人就識啦怕乜鬼，又係你地教既! 車! 重要白捱比你打左一野，正確係推我個頭，乜我個頭好玩咩! 琴日係咁搞佢! 正當阿聰同Joyce互談既時候，死咀榮就好細聲唱左一句”你是個淫媒，肥又矮呀!”，佢肯定想死，佢咁樣講只不過係想話我推個同學仔落火坑! 死係阿聰手上，車! 你地平時得把口既! 不過死係佢手上真係有點兒那個，唔認媒人都唔得，唔係淫媒呀! 只係一個比較誇張既名詞，開始要習慣一下佢地既用詞!
咀榮，我知傻豬呢個字係你對某d人既口頭禪，但你唔好一晚之內對住我講咁多次啦，無管棟!
9月7日(星期三)
今朝同Panda傾傾下，佢又無神神叫我傻豬! 夾埋架! 你地唔識架bor! 我返到屋企講比咀榮知，佢竟然話我呢排可能似傻豬，即係話我係豬! 佢又話唔係… 正死仔!
9月8日(星期四)
好驚呀! 今日收到個冇來電既電話，然後飛左返公司聽啦! 正因為手電既電波干擾公司個電話搞到dididada，淨係聽到個女仔講咩應徵，當dida聲冇左我就喂一就下，就聽到有個好粗暴既女仔以極速話”呢度係大波波網吧，你係咪黎應徵架，唔係就咪x打黎玩野，然後我就收左線，完全覺得佢係痴線兼好笑，聽講你打過黎架喎! 我重未折墮到要去另類網吧返工喎! 跟住又講返比Panda同咀咀聽，佢地都話咁都得呀!
Photo: 相片經過處理，左咀榮右阿聰，中間咪係我隻眼囉!
☆ 只要孝順一點、善良一點就可以了。 - 劉翔 ☆
文章定位：
