今日上堂好緊張刺激呀! 今次又係舉手鬥怏比阿sir問問題，其實朝早係咁易溫定書，點知佢連notes個d都問呀~ 失策，但以我既聰明才智應該冇乜問題! 阿sir又問邊個先，佢話頭10個有10分，過後都9同8分，點知冇人舉手喎! 點知隔離同學仔問我野喎，我又指住個白板話明佢點，好指唔指，阿sir就話你舉手你先啦! 下...我...是但啦! 答錯左都有10分，不過真係有d怯!!! 有d問題我都可以答到，有d都唔知答左d咩!!! 哈哈~ 都幾好玩~
放左學首先返屋企放低本書換埋個袋，行出旺角等昌少同豪哥，哈~ 好奇突既組合呀! 好耐都未試過! 因為曾大家姐Anita識人可以帶埋我地入去睇森美小儀歌劇團囉~ 又幾好喎!~~ yeah! 我要睇森美!!!!
我地入左間應該係新開既上海鋪食飯，都ok架又唔貴! 一路食飯一路傾計，終於我今日發現佢兩個似返d人講既說話，我重拍哂手掌認同豪哥既做法，重有佢地今日都問左我好多野，唔洗屈屈埋埋，講完真係舒服做好多! 嗯! 你地既講法今日係最正常，所以聽你地講既係冇錯既!!! 大概今日得我地三個人，講野都唔洗咁避忌，重連隔離檯既人都唔理，反正都係唔識，重講得鬼死興高采烈~~~!!
食完飯搭的士去Poly，我地入到場分散哂黎坐，豪哥今日有運行，佢隔離竟然係李惠敏同官恩娜，唔知點樣佢同ella傾到計，李惠敏因為都識曾大家姐就係咁搭訕起上黎...... 開場啦~ yeah!!! 森美呀!!!!! 真係越來越鍾意佢!!! 呢套歌劇都幾長下，一做就做到11點，重要中場冇break，好支力呀~~ 有部份勁好笑，有大部份有d悶，最後其實我都估到邊個假扮梁漢文...... 講起佢，我今日非常近距離見到佢，因為我入場前同埋佢地一齊去左後台，雖然冇講野，但係有正面交流架!! hahahah~~~ 重有見到一個以前隔離班既同學Susan，因為我見到有個女仔同佢地打招呼，我重話幾靚喎! 邊個黎架!? 佢地咪話susan wong囉! 下! 靚左咁多既! 梗係啦~ 人地家陣做化妝架嘛!!! 哦~ 唔怪得之啦~ 我唔係好認得佢啦!!
講開森美個樣，前幾日我先同阿聰講過佢有d似，不過都係差d，佢都認同架!佢話係個咀囉~ hahahah 無錯! 我都係想咁講，不過又唔好意思講出口，但係佢自己講左我當然又好坦白同佢講返啦!! hahaha
預先download左楝篤神探大結局，我驚過到澳門出左去玩冇得睇!!! 嗚~ 好想喊呀! 估唔到一套喜劇會搞成咁...我唔濟呀~ 莫探員呀~ 返來呀~!!! 搞竟會唔會有兩個版本既結局呢? 因為我睇個個係海外版~
Photo: 越來越喜歡的森美 (我又用新電話影架~)
☆ 好興奮呀!!!!! 9月開始訂飛啦! 我既至愛周杰倫十一月開演唱會呀!!!!
文章定位：
