22.8.04 (星期日)
一大清早就起身出門口，好想繼續訓呀~~~~! 今日又係我地既家庭樂呀! 我同事先話好羨慕我成日同一家人去旅行! 哈~ 因為我有一個五星級的家囉~~ 但係重會一兩個麻煩人既……
早餐: 信德中心美X快餐 – “我都去澳門重乜重要食香港既澳門茶餐廳喎!?!?” 我老豆既然食餃子呀…… 好驚呀~哈哈!
邊食邊等二家姐佢地，嘩~ 都好多人去喎! 一家人去就最多! 我地搭九點幾既船過澳門，差不多十點到去到，嘩~ 人山人海囉~ 唔知重乜今日既海關咁鬼死慢，重要排哂蛇餅，真係未試過! 早黎都咁多人，遲少少未重死!! 出左海關去左info. Centre睇下今期有咩好介紹啦，嘩! 簡直資料充足，重有本叫澳門飲食既書仔設計精美，唔錯唔錯! 點解香港冇d咁既野既? 定係我唔知有呢d野架呢? 其實，我地既參考書已經準備好，個d純粹攝下~
第一站午餐:
行去酒店，我地今晚係住置地廣場，即係法老皇! 由碼頭開始行，行左去金沙對面個唔知咩鬼既回歸紀念廣場，貌似會展出面咁啦! 都係路過睇下金沙之嘛，間金沙設計都好娘囉~ 唔知入面會係點呢? 今晚先去!! 去到酒店，搞好哂手續放低d行李就出去，因為2點先有房比到我地! 然後搭車過乙水仔，去到新世紀我地選擇行路去峰景食蟹粥，行到我地死下死下，雖然微雨都好熱，落下唔落下咁，尚可啦! 點知去到未開門喎，開夜晚六點! (蘇生蘇太睇漏左營業時間!) 唉~ 唯有轉去夜晚食啦! (夜晚食一定要早訂位) 哪哪聲截巴士去公食，食左一味叫忌廉蟹，好好味呀!!! 但唔知點解呢位蘇先生可以食到d汁飛黎飛去，十隻手指都係汁囉!! 咁岩又播奧運精華，咁岩又講踢波同籃球，終於有返d新鮮野睇下! 重好鬼精彩囉~ 精華片段都睇到成場人V嘩鬼叫，包括我地在內啦! 食完個晏仔，重去食木糠雪糕，木糠即係餅碎，係碎哂個隻! 嚴重警告蘇師奶食榴槤雪糕咪再伸埋黎問我食唔食呀! 你成日都玩我既!!! 個度已經夠味架啦~ 你重要伸過黎…我暈啦~
第二站: 住宅博物館
哈~ 原來就係向公雞對面有條叫”跛腳梯”既樓梯，行上去就係架啦~ 上到去都幾靚架! 有四間大屋，其實都可以叫冇野睇，入到屋好多野都欄住哂，只可以係出面望，一場黎到睇下都好呀~ 最後一間屋係gallery黎既，不知什麼墨畫! Sorry! 我地真係唔識欣賞! 一入去呢間屋，入面有個實Q叔叔見到我同蘇太就好驚奇就話:”嘩~ 你兩個姐妹黎架?! 咁似樣既!!” 車! 嚇死我地咩! 原來你講d咁既野!
由呢一站開始，我地已經分成三組各有各行，我老豆重話都冇野睇既!!
第三站: 死啦~ 我唔記得左去左邊tim! 好似係搭車返過去酒店!!! 點知重未有房喎! 已經三點啦! 有話兩點有房! 唯有坐向大堂等一陣啦~ 好彩都唔洗等好耐，間房都ok架! 係我第一次係澳門住酒店最乾淨最大既一間，最被重好舒服，因為我最憎琴毯吉死人架~! 重要入到去係光光猛猛，最緊要係個廁所唔好黑蚊蚊，所以呢一晚我沖涼都沖得慢d，平時黑蚊蚊個d廁所係以勁速進行，因為我怕鬼! 今次我重鎖埋門，平時閂埋就算! 咪又係因為我怕開唔返到門兼怕鬼! 好似好低能咁!! 然後落左去法老皇賭場參觀，好煙呀~ 會唔會窒息架~!!!
第四站: 當然又去食野啦! 一個都唔早既tea time，我地行左去生利食，沿途行左入葡京，嘩~ 龍蛇混雜! 重好多北方”街麗”搵食! 沿途行黎個陣都有好多企左向度，有d重非常猖狂見到單身男士就會繞住你，少d定力既都死! 不過d樣都唔係叫標青，反而d馬伕樣又幾好樣! 賭場就冇入啦! 原來真係有個賭廳叫水晶宮架bor! 我地以為記錯，因為過海關個陣填表有一項寫澳門地址，蘇太話寫葡京，我話入面既水晶宮賭場邊張檯! 去到生利我叫左豬扒飽同阿媽兩份，好好味呀! 好飽又夠熱夠脆，又一新發現，繼上次個間呢間都唔錯! 跟住又去左文化博物館睇押鋪同金庸，個押鋪都幾好玩，阿老豆係最投入既一個，估唔到呢間野會係手信街出門既鋪頭混埋一齊，唔講都唔知，更加唔會入!
第五站: 又搭車過乙水仔食蟹粥，好彩一早訂左位，唔係有排都冇得食!! 唔知係我又肚餓定真係好好味囉! 我食左好多野呀! 今餐晚飯勁好味呀! 特別係個蟹粥同肥美既鱔，真係肥肥白白勁好味呀! 都唔知點形容既好味~~~ 呢間咪滔滔係電視介紹過架囉! 岩岩重正窗口位又對住個電視，岩岩做緊乒乓波，一場好癲既球賽4:0! 隔離檯個一男一女好堅既，食左好多野呀! 同我地一樣既野黎架! 我地7個人叫既食送，佢地都有，除左個田雞，重要食哂! 佢地都幾大食架喎!
第六站: 返返個去”倒錢”，大家姐同肥K返酒店話要睇神探大結局，加上佢地前個星期先去完金沙，得返我地五個，入到賭場真係好靚同出門既外形真係唔同，今朝我先話佢核突! 可能係樓底高，d煙散都散得快d! 我同二家姐用左100蚊玩1毫子同2毫子既老虎機，輸哂! 贏左又輸咁啦~ 加上都唔知點樣叫輸贏，純粹部機想點就點，我試過嬴左90個2毫子，呢個二家姐一野就同我輸哂，因為買左一鋪7.5 (15線5注，其實一定必中既但唔知點解咁手臭!) 又要換代幣玩，冇左個d跌錢聲兵兵bowbow，重知點都唔會拎返尾數啦! 點都要玩，都唔好玩既! 呢度玩百家樂為主，檯細細又多又迫，都唔係幾爽架! 最細300蚊一鋪，樓上係1000蚊一鋪，嘩~ d人真係有錢，輸左幾鋪都面不改容! 堅!! 玩左一個鐘就走人返法老皇玩，都係呢邊既老虎機好玩d!!! 不過就貴d，2蚊最平，10蚊得一部，有5蚊既都! 今次輪到我拎100蚊同二家姐玩，輸淨幾蚊，又贏返20蚊，玩左好耐，行去睇阿媽同偉哥玩5蚊鋪好貴既跑馬仔，點知有兩鋪我阿媽家姐亂咁贏左百幾蚊喎! 以為買個隻no.既馬，原來我地係咁左組合係第二個no.既馬，就係咁多返百幾蚊，我地加入戰團”倒錢”，好好玩架~ 隔離有個人買大包圍即係必中，係咁贏錢! 都唔夠玩輪盤個個坐左好耐，我地入黎坐到我地走都未走，輸左幾盤5蚊! 好啦! 有一鋪馬仔係一賠2000! 即係中左有10000蚊，二家姐問贏左第一時間做乜，我話打電話返香港，二家姐話我地個個都係度，打比邊個? 打比哥哥叫佢係碼頭接我地呀? 佢叫幫手拎d 5蚊呀! 我話中左邊有咁多個5蚊嘔出黎，掟都掟死! 偉哥又話我地兩個白痴，中左係響鐘架! 2000個點嘔出黎呀!!! 打一個電話都要8蚊一分鐘，所以我要用sms，最少2蚊平d嘛! 加上家陣係用香港響聲，即係冇人知我去左澳門，但係今日特別多電話架喎!!! 玩到一點到，輸淨25蚊，我叫阿媽比我拉老虎機，最後一個竟然中返50蚊! 都好彩冇輸哂! 之後出左去買生果雪糕食，食完沖涼睇埋體操就訓死豬咁~~~zzzzz
24.8.04 (星期一)
第一站:
一大朝早，阿爹阿娘好早出左去食早餐，得返我一個訓到九點幾然後去搵蘇氏伉儷游水食早餐，本來係酒店附近食，點知好多鋪頭都未開門，但係北方街麗好早就企哂向度! 我地三個著住套睡衣行返去生利食早餐，我又冇帶眼鏡出去，唸住游水就唔帶架啦! 我地都冇唸住行到咁遠囉，我地套睡衣唔講比人知以為係t-shirt短褲，我著波鞋佢地著人字拖，千祈唔好撞到熟人! 當然又係途經葡京，點知偉哥冇帶錢喎! 當然我地係任何錢同身份証都冇架! 唯有咁錢啦! 點知得葡幣又要收手續費，佢地講笑話賭返鋪先! 當然冇可能入到去啦，除左我，我拉埋長條褲就可以入得佢地唔得! 我今朝又食左一個豬扒飽，重飲左支維他奶，好飽~~~ 食完搭的士返去酒店，放底個外賣早餐比大家姐佢地，佢重未起身! 落到泳池，好凍呀~ 個池又勁細勁淺，游幾步游完，又多小朋友左穿又插，最後跳入個按摩池先唔凍死! 坐向度浸囉~ 提唔起興趣游水，好多人入都佢都好似我地話個泳池唔係fa……可惜佢冇室外泳池，就有應該好少少，因為個度開到個冷氣好行呀~~~!!!!! 一上水即係標入去沖身，唔係就會凍死! 返上樓即刻沖涼，然後過佢地房睇電視打發時間，佢地又落左去賭場玩!
第二站:
今日既lunch就係上觀光塔60樓食buffet囉，冇唸過又係好好食囉! 定又係我肚餓呢? 上面有係旋轉餐廳黎既，夜晚唔知會唔她靚呢? 伸過頭望上去會見到有人好敗家比1000蚊行一個圈，我問偉哥如果我比一千蚊你你會去玩行一個圈定去金沙賭一千蚊? 佢反問我你係咪比我先，係我就賭啦! 係咪比我先得架? 我冇佢咁好氣，我話咩叫如果呀!!!
第三站:
食到飽飽搭車去手信街買手信，返出黎個陣竟然見到丁姨同姨丈(應該係叫姨媽姨丈呱…… 重知係阿媽d親戚啦!) 點知前頭個對夫婦同大家姐見唔到喎重要過埋馬路，肥k唔識就話者!~ 我地三個行後既見到，重叫佢地行返過黎，夠鐘要搭船啦! 傾咁耐~ 重知唔叫你地啦! 跑返個對面搭巴士又塞車，真係今次要跑入去碼頭，都幾趕下，阿媽重話唔跑呀!!! 加快腳步行…唉! 都係老豆縱慣呢位小姐，唔係洗乜家陣變左個肥師奶，最鍾意伸手牌(搭的士)先得架! 上到船見到個小食價目表，嘩! 咩的嗒糖黎架成8蚊咁貴，偉哥話食完會唔爆炸先!? 真係貴到死!!! 又唔知擺左幾耐!!! 好支力呀~ 跟住一訓就訓到返香港，見到九龍站有個新樓盤叫凱旋門，個設計真係好似凱旋門咁中間穿左個窿，乜家陣興咩? 澳門又有座爛尾樓都係下架! 點解我知係爛尾，的士司機講既! 澳門既的士司機好鬼熱情，重好多野講! 有個重教我地去買基金是死，數口又快!!!
最後一站:
排隊等過海，點知阿媽阿爹一齊實黑仔，前頭個女仔唔知做乜，企左向度走唔到，唔知等乜，我地決定排第二個先好快出到黎，之前條龍郁都未郁過!!! 出到去老豆話不如搭巴士，我同阿媽都冇佢咁好氣，無野搵野做，由中港城要行返去海港城先有車搭，咪傻啦~ 我請搭的士都唔係好貴，加上放工時間一定多人搭巴士，無謂辛苦啦! 搭的士又唔係行尖咀個邊唔會塞車! 好啦! 打比阿聰問佢搵我重乜啦! 佢重問我有冇買手信，我當然有啦! 本來唸住一盒鳳凰卷同一包花生糖佢同咀榮兩份食啦! 點知阿聰講笑話係咪一盒先，我話係呀! 返到屋企咀榮問我買左乜比佢，我話花生糖，又學佢上次咁講”你係值一包花生糖咁多” hahaha，佢竟然話唔係fa，我話係呀重好過有人食左我包芒果乾呀! (因為蔡爸爸食左我飽乾，然後咀榮比我拆骨!) 要食咪問阿聰囉~ 都未得閒比佢! 佢係咪話我問一包花生糖比佢，我咪話返佢囉! 我平時去旅行都對你不薄啦衰仔! 信唔信我唔買呀啦! 真係唔話你都唔得，慘過教仔!!!
夜晚落街食飯，阿媽問我今朝係咪見到鬼? 我話下，冇呀! 佢話老豆聽到我今朝講鬼呀鬼呀! 一定係發開口夢啦! 琴晚玩到咁夜又支力，一定會啦! 唔夢遊行黎行去算好啦! 點知阿老豆話係酒店聽到姨媽把聲，唔係fa! 發夢呀! 你唔好同我講間酒店有鬼呀，等我重一個人向酒店! 正值七月節好邪架嘛!!!!
Photo: 好多人呀 @ 澳門市政廳
文章定位：
