圖中所見，案發現場係發生於2004年8月，現場地點就係我公司，無錯! 係我坐緊個位一擰轉身就見到既"兇案現場"，呢度已經成為本公司三樓既新景點，兇手們已經搬返上六樓，加上一班裝修工人既傑作，呢度同一個垃圾崗無分別!!! 因為公司大裝修，暫時冇位安置我地，只好坐到月尾，一到9月3號，我就正正式式搬上7樓，終於有返個似樣既位做野啦!!!!
病左成個星期，慘過死~ 又餓到死~ 一齊零食被扣押，就算食得我都死得! 差不多捱到星期五，我唔知自己好返d，重走去食埋d藥，點知食完好痛，因為弱力太強，重痛過唔食! 不過阿媽話最好傍身，所以袋藥重係度，係不久既將來一定比我掉左去~~~~~~~~~~~~~~~~~~~
星期五晚，我好勤力做我既功課，連街都唔去...因為出左街返到屋企我又唔會做架啦~ 冇功課交就唔好啦! 最後我都係掛住睇下電視，搞下呢樣個樣，11點幾先開始做功課~ haha! 今晚好多電視睇，有好慳皮既港姐show，真係好悶，我都係睇d唔睇d，今年個三位港姐真係唔係話太靚~ 呀冠軍有d似湯寶如加袁彩雲合體!!! 等到一點半左右，等左好耐既奧運開幕禮終於做啦! 之前既節目廢到無論，同奧運班主持都差不多~ 唉! 但係個開幕禮真係好正呀! 好堅呀! 一邊睇一邊同咀榮chat，最後都係要停手要等到買廣告先繼續! 哈~ 你個死仔襯我病來我命，雖則好返少少，就約我去蘭桂芳玩，其實係佢想玩! "你唔劈得咪飲果汁囉" 咁我去黎重乜喎!?!?!?! 又要我去約阿聰，你兩個玩我呀! 自己又唔約，阿聰好爽快就應承我，重問點解唔入大埔? 咀榮話佢咁答你肯定有問題啦! 我最後睇到3點半決定要訓覺~~zzz
星期六，我隔離個同學仔Joyce返到黎勁標冷汗，好唔舒服喎! 我又放底左個袋仔係屋企，唔係都有止痛藥比佢止止啦~ 學校又唔可以提供藥物比學生，最後上左半堂佢頂唔順走左!! 淨返隔離個個同學仔Vivian，佢話比我聽下堂開始佢唔返啦! 所以連考試都考唔到，佢原來返美國開學，原先佢想報讀既時間應該係5月個期，一星期兩堂，佢計過讀完重有幾個星期就返美國! 點知個期無人報就迫住去左呢度讀，佢話重好過係屋企悶喎! 呢個同學仔又係一個好堅下既人! 琴晚做完既功課，就係將阿sir上次比既題目，用韓文寫一次然後朗讀返一次出黎，今次唔係叫名就讀，係鬥快舉手先到先得! 都好玩架~ 唔係有掛都未輪到我讀，今次阿sir讚我Good! 哎呀~ 好開心啦! 繼上次用韓文寫岩何文田個三個字，又一次比阿sir讚! 好...唔好咁high，唔係又失常...下次錯哂咪大獲!!! heheheheh
放左學都知今晚係出唔成街架啦! 咪聰少囉~ 唔怪得咀榮成日叫你做屎忽聰! hahaah!!!!
星期日夜晚出街食飯，唔知係咪餓左好耐，我竟然食左好多野重食哂! 重同阿媽講我餓左成個星期啦~
星期一，我隔離個位妹妹仔Panda自上星期係咁話要選港姐，發明星夢~ 成日都問我，"我有冇資格選港姐呢? 又要識多國語言又要叻喎... 如果我靚d瘦d一定入圍啦~ 我真係好想選港姐呀~!!!" 我話你咪去試上囉...22歲未超齡喎! 如是者，我每日對住呢個妹妹仔...基本上係唔理! 佢講既野真係有d似一個小朋友一樣，一樣咁低能~ 竟然有人低能得過我....重更嚴重個隻!
Photo: 兇案現場，我真係好想畫個人仔向地下......
☆ 咦... 終於決定左啦? 都係時候架啦~
☆ 就快有野睇~
☆ 你係咪傻架!? 好無聊呀~
☆ 我想打敗你!! 不過很難......
文章定位：
