究竟我呢兩個星期做過d乜野呢? 真係要唸下先……好似好忙咁……又好似好忙咁去左玩……死啦…究竟做過d乜呢?
8月26日 (星期四)
夜晚陪左阿虫表妹去牛池灣睇話劇，純粹係捧佢同學場! 個話劇叫”洗手間”，我地唸住會好悶啦，又要好正經咁睇喎! 開頭真係有d忍唔住係咁細細聲講野，加上個場有細，人地做緊戲講得大大聲就唔好啦! 又冇禮貌! 點知睇睇下，又幾好笑架喎! 都要視乎個個故事講乜，總共有8個小故事，都係圍繞洗手間講下秘密傾閒計…… 有個劇員有d似陳慧珊幾靚架! 靚過陳慧珊架!
8月28日 (星期六)
除左返學，邊度都唔去! 因為今日係鬼節……我怕……………
8月31日 (星期二)
開始要進行大掃除，又要pack箱! 做乜野? 我聽日搬啦~ 搬寫字樓搬返上七樓坐呀! 但係今日上去睇盤，好似重未裝修好既? 不過我坐大房應該整好，係大廳未得，不過個埋未咁快搬返上黎住!
9月1日(星期三)
除左箱之外，所有電腦、printer同fax機同電話要自己搬!!! 好彩今日公司派左個肥男哥哥過黎幫我地手，但係自己都要郁手! 好彩我地d家當係輕便裝，唔似得佢地係king size要搵搬運工人搬! 又衰喎! 公司6部電梯得2部細電梯上到七樓，點知其中一部大修，得返一部! 三樓另一邊因為未裝修封左，連電梯口都封埋，四部電梯基本上係唔到三樓! 唸住拎埋d濕星野，上到六樓行多一層嘛! 我由三樓行上七樓行左好多次，死咁濟! 要是明白佢樓底非常高，樓梯又長…….
好彩好日唔係齊齊搬上佢，得兩個部門，等電梯都等左好耐! 重有原來貨車立都係唔上六樓! 鬼咩…七樓後加架嘛! 一個上晝就係咁過左…
下晝，買返d文儀用品整整齊齊安頓我d文件，因為以前個兩個爛左，加上以前係用A4箱裝野，簡直係垃圾堆做野囉! 家陣好好多啦! 有返個似樣野檯，L字型，大而唔見洗，可能我有兩部PC啦! 重有partition私人空間大左，但係要痴住panda，我地背對背冇野隔住，前面咪阿step囉!隔住左囉! 我又要放塊照妖倒後鏡係檯，廢時失驚無神有個人彈左出黎都唔知!! 雖然隔離既人係唔會行到過黎，除左一個似訓導主任既肥佬外，基本上我家陣就算無聊無野做都好難搵其他野玩，除非佢地唔係到啦! 遲d到門重要用barcode開門，死得囉~ 呢個panda日日都要煩過我幾次先安樂……我今次慘啦~
9月2日(星期四)
哎呀! 我唔記得左打比咀榮呀! 阿聰琴晚叫我搵佢架! 難得佢琴日係咁打電話比我傾計話食飯，難得佢又突然自動獻身! 但我又唔記得左件事，唸住要佢請我食飯架嘛! 因為我地一人爭大家一餐!
9月3日(星期五)
lunch出左去太子宜家陪panda買野，我又見無野做都好啦! 基本上呢個女仔唔麻麻煩煩同出聲講d唔經大腦既野，佢絕對係無問題，但係我唔知佢幾時會失常!!! 買左個紙箱返去裝野，因為佢個袋太大放唔到入個櫃桶，我都係勉勉強! 點知佢摺完個紙箱，我笑佢個箱似燒街衣既寶箱，阿step都話似! 但係個箱既公仔幾得意加上係暗紅色，我又有份簡，我叫唔好簡d咁sharp廢時比人整爛! 但我又想唔到出黎既效果係咁! Hahaha，阿step叫我唔好講啦，陣間佢又喊架啦~ 個箱真係唔差幾靚既，只係我呢排見得多……
haha!! Panda一心裝飾佢張檯，好多公仔囉!~ 唔知肥訓導主任話唔比擺野高過partition，佢要拎返哂落黎! Hahahha，我都話左你架啦又唔聽，重搞到張檯鬼咁，好亂囉! 你話你自己整齊呀啦要我學你! 你都傻既! 我咁整齊都話亂，真係唔知咩叫整齊囉! 難度好似佢咁成檯公仔比人一個咁唔professional既感覺……
放工去左Simon到剪頭髮，佢又返返以前間鋪頭到做，重好啦! 今日panda都有跟我去，因為佢見到個頭整得唔錯，嘩~ 我個頭已經甩色變哂形都話靚，證明阿師傅係堅野! 由18:30坐到00:20左右啦先整完我個頭，阿Panda我已經叫佢走先唔好等…… 整左個負離子啦，highlight啦! 剪埋先搞到咁夜，坐到patpat痛，好彩我唔係最後一個客! 我將我一把長髮剪短左，好耐未見過既短髮呀!~~ 好樣又好似瘦左咁!
9月4日(星期六)
我今日決定逃學，今日考試呀! 基於我冇溫書，可以話係唔太熟，加上考唔考都無所謂啦! 我都係學下…真正考語文能力試先叫承認! 浸會呢張……我公司咪當你學過下囉~ 我有排都未去到個個level，重有一至五….唔知有冇咁多….反正都係學下，呢個就係比自己既藉口!
就係咁我提早左同阿虫行街，兩個又好似發左咁，去完style house掃貨，之後就覺得唉…財散人安樂，我連佐仔記都買左400幾蚊野，無計啦…都係買返工架! 都買左好多件衫，平平地質料都ok，鬼叫家陣唔可以牛笠記咩!!! 咩都要換! 我著幾日OL look覺得好唔知點，今日係好舒服既一日! 雖然係OL look但係有時著裙襯到對converse都照著，舒服嘛! 我著得斯斯文文以經ok架啦!
聽日又要出去銅鑼灣慶祝阿保生日，我係負責買禮物個個，唸住去quicksilver或者double park又冇筍野啦! 最後都係上左quicksilver買，重要on sale! 加上另一個九月之星阿豪哥話唔要生日禮物，太好啦! 唔係就大破財啦!!!
呀! 唔知另一位九月之星阿虫表妹今年份生日禮物可唔可以遲d先送呢? 好啦~ 我唔會唔記得架! 放心
Photo: 上: 我張檯近鏡 @ office，下: 合併相，都係我張檯 by 我部電話! 電話影相卡個一下真係好大聲!
文章定位：
