florenceshu52315 I am who I am! 想輕鬆過活，享受人生。有很多白日夢：希望可以一一成真! 對於新奇事物都感興趣，也敢於嘗試→ 所以喜歡去發掘更多新鮮有趣的人和事!

1愛的鼓勵 0訂閱站台

SUDOKU， 今日你玩左未？

坊間有許多遊戲，唔知你鍾意玩邊個？

曾幾何時俄羅斯方塊是我的至愛；

為了CANDY CRUSH可以廢枕忘餐；

想為自己創造理想的家的夢幻家園遊戲；

還有最近好HIT嘅「集合啦！動物森友會」。

忘了許多.....還有很多.....

可恨時間太少，要做嘅嘢太多，如果樣樣都玩齊，每日72小時都唔够用！

所以唯有選擇我認為既有娛樂性又最有益身心的玩意，因此，我揀咗SUDOKU。

為什麼？

1) 唔知大家有冇呢個經驗，就係諗到有啲嘢想做時，當正要行動嘅時候，突然腦裏面一片空白！

究竟想做乜嘢呢？諗極都諗唔起！ 而且呢個問題仲好似越嚟越嚴重添！

初初我都以為係年齡問題，但後來我發現有啲人好後生都好冇記性！

就好似我姨甥仔咁，二十幾歲仔，記性超差。幾個月前，從加拿大回港強制檢疫的14天內住在我家。

有一日他竟然問我佢沖咗涼未？點解問我嘅？自己有無沖涼都唔記得？

N年前，就係因為聽説玩SUDOKU可以訓練腦力，所以我就試下玩。

點知一玩上癮，仲感覺好WORK，D記性真係好似改善左好多，個腦無咁閉塞！

2)  SUDOKU真係好好玩㗎！如上圖，有9個九宮格，將啲NUMBER填在空白格內，務求令到每一行、每一列、每一個粗線宮格內的數字均含1-9的數目字，但不能重複。

而且還有很多不同的組合，是否很神奇？

我都好佩服設計這個遊戲的人。

不單如此，我網上玩的那個PAGE，仲會有EASY, MEDIUM, HARD, VERY HARD等不同的LEVEL。

不過通常我淨係玩EASY同MEDIUM，的確可以做到眼到、心到及腦到！

比較少玩HARD同VERY HARD，點解？ 唔敢向難度挑戰？

NO WAY，衹是覺得玩HARD同VERY HARD，等同于靠估而多過用腦囉！

寫到呢度突然間忘記還要寫啲乜呢？唔得啦！快啲玩下SUDOKU先！