~Love Paradise~ 生於夏天的我是屬於陽光的!!!!

864愛的鼓勵 0訂閱站台

尋晚去O左睇F.I.R. O既拉闊音樂會, 好正呀!
首先, 多謝某人有飛俾我同佢一齊去睇啦~ 多謝晒呢~
我第一次睇拉闊音樂會咋, 所以都幾開心,
而且今次坐得幾前, 算係幾前O架喇 (比O係坐我後面O個D, O個D人遠睇好細粒O架咋)~
阿FAYE真係唱得好好好好, 幾完美O架~
真係" 未睇過F.I.R.的LIVE真係未真正認識F.I.R.的音樂"~
全場都幾HIGH, 阿REAL成日叫我地企起身, 佢都幾識搞氣氛, 不過我都幾鍾意依種熱鬧氣氛, 唔錯!!!
我都算睇得好投入O架喇, 但係點都比唔上我前面O個兩位阿姐, 全場兩個幾鐘, 佢地就FING足兩個幾鐘, 精神可嘉, 佢地直頭去到忘我O既狀態tim呀!
最驚喜O既就係古巨基O既出現, 因為阿REAL自彈自唱基仔O既<<愛與誠>>, 咁O岩基仔又有捧場, 於是就被叫上台合唱, 好正呀! VERY GOOD! 基仔O既出現都有少少喧賓奪主, 不過我地好快又去番F.I.R.幾懷抱lu~
另一個高潮當然係孫燕姿o既出現啦~ 一陣陣的hey JUNE咁出場, 全場立時歡呼, 確實, 她的吸引力真的很大, 把聲都好攝場, 阿FAYE有DD被比下去, 我番聽我的錄音, 孫燕姿的HEY JUNE似乎出好多~ 好開心呀! 佢真係唱我最鍾意O個首<<遇見>>, 我仲衝埋出去影佢tim, 好近o架, 我地仲有眼神o既交流tim~ 哈哈哈~ 睇完依一次孫燕姿的live, 都幾期待佢今年開o既紅館個唱~ 開多d, 開多d!!!
講番F.I.R., 我都係鍾意佢地O既快歌, 好有動力, 搞到我un o黎 un 去~ 都幾high呀!!! 我終於都知道band sound o既魅力lar~ 不過, 我依家最期待都係eason o既live show, 希望我好快有機會欣賞啦~

至於我搵工方面, 都算係成功o左, 不過我未confirm做唔做, 詳情我遲d先公佈啦, 費事影響到我同間公司o既關係啦, 係咪?? 哈哈, 講到好似d明星咁, 哈哈哈~ 講真o既, 我遲d一定會公佈, 放心啦各位, 我唔會俾人呃o既!!! ^o^

至於我旅行方面, 哈哈, 諗起都開心, 我聽日出發喇!!!! 太興奮喇~ 我唔係曬命, 但係我真心地好開心o架!!!! 希望我依幾日都會玩得好開心, 好盡興, 我會控制住自己, 唔會樂極忘形o架喇~ 大家可以幫我祈禱o架!!!! see you~