~Love Paradise~ 生於夏天的我是屬於陽光的!!!!

864愛的鼓勵 0訂閱站台

依幾日心情都極度欠佳, 什麼事也不如意, 好彩依兩日也有約舊友出o黎聚聚, 時間過得稍為快一點, 心情較為愉快點! 朋友, 是真的很重要的.
昨天, 見番一個人, 唉, 唔講名喇, 佢真係成個人唔同晒, 正o左好多, 成個萬人迷咁o既款, 的確十分吸引, 高高大大, 五官越o黎越 “屎正”, 打波仲有板有眼, 唔止, 仲係好勁tim, o係佢板下o既波全部都俾佢控制得恰到好處, 超級有魅力, 只怪當年走漏眼囉, 對一個人o既感覺原來前後一兩年都可以咁唔同, 後悔當時o既決定都經已太遲喇……. 哈哈哈, 相信只有兩個人明白我依段講咩, 一個人應該睇到好想打我, 另外一個應該同我一樣有讚冇彈係咁講~ 依個人有前途呀, 一個唔覺意俾佢入埋港隊都唔知搞掂幾多妹妹仔呀~ 當然, 我仲係一個妹妹仔o黎o架咋~ ^o^
講番先, 我依家仲係一個失業大軍, 雙失o個隻, 之前講o個份冇o左lu, 係由始至終都冇做過, 唔係我唔想, 係人地唔要我, 冇錯, 世界就係咁殘酷! 依頭讚你笑容靚, 依頭話一定請你, 轉頭又話夠晒人, 哈, 你又吹佢唔漲o架bor!!! 人地請我都要心理上過o左兩關先會請我.
第一, 我係中七畢業生, 人地一定斷定你係做暑期工, 一定係等放榜, 一定唔會做得耐, 所以一定唔會花時間落我身上, 費事教晒我o野我又話唔撈, 浪費心血嘛!
第二, 我冇工作經驗, 雖然我以前曾做暑期工, 同一時間過幫兩條化骨龍補習, 仲要全科o個隻, 話之你又要教, 仲要 “乙水”, 人地公司都不會視之為工作經驗, 我偷睇過人地o個d application form, 人地出o黎做o野兩, 三年, 閒閒地做過三四份 “正常” o既工起碼, 我???? 真係唔好提.
現階段, 我o既學歷對我搵工完全沒有幫助, 我同一個中五生可以話係冇分別, 分分鐘中五生仲好d, 因為好多中五生真係唔會升中六, 做長工真係唔出奇, 唉, 唔通搵份自己想撈o既工真係咁難???
依兩個禮拜, 我send o左唔少e-mail, 打o左唔少電話, 試過一日in 5份, 港九新界去 “暈”咁滯, 到今天仍是沒有消息, 一個人出去行都唔少次, 次次都覺得自己好寂寞, 好無奈, 放棄o既念頭經常都有, 奈何我又太過積極, 死唔斷氣, 到今天我仍在找尋工作~
不過, 搵工o既過程, 我都學o左好多o野, 遇過唔少人, 好似今日咁, 我本來上盈科in receptionist, o個個人一o黎, 見到我張form, 已經話我個機會好微, 原因我梗係知點解啦, 仲有咩ai??? 唔通話我未夠秤咩??? 我諗住算數, 走人囉, 幾咁唔閒o者, 又唔係未試過, 點知佢話同我傾下, 原來佢想我加入佢o個team做保險, 先唔講做保險, 佢同我分析香港現時o既市場, 又問我想做d乜, 佢話如果想有發展, 有前途就預o左要面對困難, 而唔係安安穩穩做份工, 做到個人冇晒靈魂咁, 佢依個問題令我今日係咁諗o野, 我覺得自己好迷惘, 自己o既前景亦都好模糊, 我都唔知自己想點, 想做d乜, 應該係我唔知自己o既能力可以做到d乜o野o岩我要求o既工, 又唔知自己A-Level考成點, 又唔知自己入唔入到大學, o係依一刻, 好多o野我自己都決定唔到, 唔到我決定!!! 點解我條路點行都要等!!!! 等考試局幫我決定!!! 等聯招幫我決定!!!! 救命!!!! 最憎等!! 好憎!!! 真係好煩! 好頭痛!!!! 今日自己一個人行o左好耐, 望住個海, 望住會展, 感覺好悲慘咁, 好彩搵到人同我食lunch, 解下煩憂, 真係好彩, 今日係閒日, 番工o既番工, 番學o既番學, 仲有幾多人可以陪到我??? 都係獨立d啦……. 至於保險, 俾d時間我再諗諗……….等我聽多d人分析下先………...
依幾日, 個天空一大片都係天藍色, 超級超級靚!!! 雖然好熱, 但係陽光好正! 帶俾人一種好正面o既力量!!! 夜晚o個時, 又見到一大個月亮高掛天空上, 好光!!! 萬里無雲, 亦都好靚! 可惜, 依幾日我都冇好o既心情去欣賞依d咁靚o既景色, 亦都冇做到d襯番依d景色o既事. 我真係唔想白白浪費了正面o既夏天…….細個o個時, 夏天代表了歡樂, 暑假嘛, 只是近年的暑假總是教人大大失望, 中五如是, 中六那年亦如是, 我真的不希望今年的暑假再被視為不快了……..
我絕不會無了期的搵工, 我也會為自己定個deadline, 此日期後我自然另有打算, 做些比搵工更有意義o既事……….