24h購物| | PChome| 登入
2005-08-01 13:13:23| 人氣35| 回應0 | 上一篇 | 下一篇

發豬瘟

推薦 0 收藏 0 轉貼0 訂閱站台

早幾日人人都講發豬瘟, 今日又已經變o左救生員罷工, 所以今日忌水喎~ 哈, 點解日日都可以咁多新聞, 單單都新鮮, 日日都有一大疊報紙~

我o既生活就冇咁精彩lu~ 依家日日都做同一堆o野, 好悶!
係上個禮拜好玩d囉, 一大班好朋友陪我過生日, 日日都有人陪, 日日都有o野玩, 過得好充實, 日子過得快很多, 開心很多.......
真的很感謝我的一班好友, 多謝! 你們的心意我收到了, 在心中啦!!!

上個禮拜五晚, 睇o左詹瑞文同葉詠詩的一個音樂show, 真係睇得我好開心, 阿jim介紹古典音樂的詞彙, 好鬼生鬼, 好鬼抵死, 我每每都笑到dump地, 好鍾意睇佢表現, 佢勁仲勁在又識唱歌tim, 真係唱得幾好tim bor! 又識打鼓, 都跟到拍子, 有姿勢有實際呀! 阿jim 暫時係唯有一個令我有意欲入場睇show o既一個藝術表演者! 另外, 我都好鍾意小交響樂團o既表演, 好耐冇睇過依d表演lu, 硬係覺得佢地o既音樂好grand, 好懾人, 好有吸引力, 好壓台! 由細到大我都好想成為佢地其中一個, 因為真係好鬼型, 可以同其他人合作到, 好齊咁表演, 個感覺幾好~ 不過, 都係欣賞吧啦, 我付出唔起咁多時間練習了.......

8月9號又放榜, 不過依個榜對我o黎講真係冇乜意思lu, 雖然我依然會等依個榜o既結果再作其他打算, 但係其實我都已經做好決定了.......

唔....係時候搵定part-time了, 除了讀書外, 我又有另一個目標, 希望可以達成啦~ 嘻嘻~

P.S. 點呢, 今次我同肥茵o既水著look係咪好有summer feel呢~ 好match今日o既天氣呀!!! ^.^

我要檢舉
台長： C-wai
人氣(35) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文