新學年終於都開始啦，今年有 96 個 full-time students 和 40 個 part-time students，三年以來都未試過有咁多同學一齊上堂呀，仲要唔夠位坐o忝，犀利犀利！
咁多人就梗係識唔晒啦，唯有識住同 group 的人先啦。96 人被分成 9 組，我組有12人，其中五個 (including me) 係city 畢業的 (最可惜的係我們三朵小花被編到三組不同的 groups，上 tutorial 又唔同時間，少了好多見面時間，嗚……)。其餘都係來自外地，如 UK、Canada、Australia咁，仲要有一個外國人，所以主要都係以英語溝通，講講下見佢地 (excluding外國人) 突然爆出幾句中文先知原來佢地識中文，都真係幾搞笑。不過，因為 week 1 要上的 tutorial 唔多，再加上“杜鵑”所帶來的半日假期，所以大家都唔算太熟。希望往後可以認識大家更多，一齊努力讀書，互相幫忙啦，話晒呢個分組應該都會維持一年咁耐架嘛。求神帶領！
之但係，最靚爆鏡的都可算是個 timetable 啦，初初以為只係 week 1 咩 introduction week d 時間先會咁差o者，點知家下 week 2 o個個都係咁架，朝九晚六咁，仲要有一日放 7:30pm 喎，家下返工咩？？陰功，最慘的係中間可以有成五個鐘 break，點 hea 呀，大佬？d 時間真係天地到震呀！唉……返學時間長，但上課時間一個星期只係得o個13.5 hr，真係死得人啦！唉……但呢個都只係 week 2 的schedule，真係唔知 week 3 o個個又會係點呀，唔通 PCLL 的 timetable 會個個禮拜都唔同？興逐個禮拜出？救命呀，點頂呀？
不過，聽人講讀 PCLL 會好辛苦、好忙、仲會覺得唔夠時用 o忝，希望遲下上多 d 堂，多少少o野做，可以充實o下 d 天地時間啦，唔係就真係慘啦……
算罷了！加油！努力！timetable呢 d 都係人為o者，咪趁呢 d 時間來讀下書，備下課，跟同學仔 social 下囉……要善用時間！求神帶領，叫女兒好好的運用呢 d 時間，賜給女兒智慧去面對未來呢一年的挑戰，求主垂憐！
文章定位：
