嘩！好驚嚇呀！今朝一早開電腦 check exam result，四科成績都出晒喎。根據以往的經驗，d 成績通常都係逐科出架嘛，仲要一日出一科，搞到人驚足幾日架嘛，點知今次會一次過出晒喎，真係少 d 心血都唔得呀！
對於今次的成績，總算滿意啦，我都交足功課架啦，只係有一科唔係咁滿意囉，得 B- 咋，嗚……不過都冇計啦，其實呢科都預了考得唔好，加上份功課又做得唔好，所以……算啦，總好過拎 C grade丫。
跟住我打電話將 d grades 話俾我 daddy & mummy 知，因為 daddy 傾緊電話，所以媽咪就抄低 d grades話俾 daddy 知。之後，daddy 打電話o黎話我做咩唔講佢知，只係話俾媽咪知喎 (哈！佢兩公婆係咁架，鍾意玩呷醋架) 跟住佢又話我做咩咁嚇佢，要佢咁辛苦，又要讀多一年書，早 d 出來做o野，早 d 嫁o左去唔駛佢養喎……哈！我呢個牙尖嘴利的女就梗係駁番佢話：「哼！你快 d 儲錢俾我交學費呀，要成 $100,000架……想我早 d 嫁唔駛你養？發o下夢先啦，仲有排你捱呀……」當然，最後佢都恭喜我啦，都預祝我出年有書讀啦！
雖然成績出了，都大概知道自己有冇得讀 postgraduate cert，但世事難測，可能今年的 admission requirement 提高了都唔定，所以都唔可以開心得咁快。都係交託給全能的神，衪會為我安排最好、最合適的路，我只需欣然接受和順服，這並不是消極的做法，而是最積極的做法！
o係考完試到出 result 呢段期間，成日求神賜女兒勇氣去面對個結果，求衪給女兒應得的 grade，唔需要最好，只要係我應得的已足夠。也求衪提醒自己不論成績如何都要感謝神，因為這一切都是衪所賜，係最好和對我最有益的。所以，知道成績後，我都感謝神，衪真的賜我勇氣去面對，也給我合理的成績。衪今次都俾了個大驚喜我——就係一次過出晒四科成績，等我唔駛成日上網 check result，好似o係度等一個唔知幾時會爆的炸彈爆咁，又唔駛驚咁多日，多謝祢！萬有都是祢管有的，而在祢的手中的一切都是美好的！Thank You, My Lord!! 當然都要多謝你們每一位關心我、支持我和話會在禱告裡為我代求的朋友啦，thanks very much !!
《寧願在聖殿裏》
上帝手中一切是最好，常在每天供應需要，
今我滿足不必掛憂，困苦仍然是美，那管風雨，只想愛祢。
寧願在聖殿裏留低，一霎已足夠，
交出一生我願全屬祢。Ah！
寧願在聖殿裏祈禱，緊靠祢心意，
交出一生我願全屬祢。
文章定位：
