「點解你唔打電話俾我呢？」＠心靈鑰匙

2003-05-30 21:52:02| 人氣45| 回應0 | 上一篇 | 下一篇

「點解你唔打電話俾我呢？」

推薦 0 收藏 0 轉貼0 訂閱站台

「你有冇發覺只有我打電話搵你，而你係唔會打電話俾我架？」

哈哈！呢個問題我俾不止一個朋友問過 N 咁多次，而我的回應係：「你識我咁耐，都知我係一個唔鍾意打電話的人啦！」哈！而我的朋友聽到我的答案後，梗係冇我”符” 啦，惟有講：「我知，所以我咪打俾你囉！」

我真的要多謝你們呀，我呢個咁無理的藉口，你們都放過我，仲繼續跟我做朋友o忝，多謝你們呀。

點知今日俾個 friend “篤”爆我唔打電話的背後原因o忝，佢仲要o係佢個 online diary 度爆出來，真的醜死人啦！(但放心，我一 d 都冇嬲你咁做，你咁講都係因為你了解我o者！) Hehe…..個原因係咩？你們估o下啦！

講真的，唔知點解，我真的唔鍾意打電話，除非有緊要o野，非立即用電話辦妥不可，否則如非必要，我真的絲毫打電話的動力都冇呀！我比較鍾意用 email or icq leave message，唔知點解呢呵？！所以，咁多位朋友，我要o係度同大家講聲唔好意思啦！唔打電話俾大家，唔係因為我唔當大家係朋友，只係我的個人癖好係唔鍾意打電話o者，不論佢係邊一位，你絶對唔係唯一一個。

雖然我唔鍾意打電話，但是我唔介接電話架。記得有個朋友聽完我話唔鍾意打電後，好失落咁問我：「咁你介唔介意接我的電話架？你會唔會唔鍾意傾電話架？」我唔會話我鍾意傾電話，但我真的好鍾意接聽朋友的來電，聽到你們o係電話筒傳來的聲音，我真的好開心架。

所以，大家睇完呢篇article後，就麻煩各方好友，主動 d 打電話俾我啦！我都會試下打多 d 電話俾大家的，ok？

我要檢舉

台長：山邊

人氣(45) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)