24h購物| | PChome| 登入
2005-08-12 14:50:27| 人氣19| 回應0 | 上一篇 | 下一篇

小順..~

推薦 0 收藏 0 轉貼0 訂閱站台

今朝起身拆左小順寄黎既信..
其實封信擺左係到都幾日..
只不過我一路都冇拎黎睇..
諗返起以前我一個禮拜回佢幾次信..到宜家好耐都冇回過佢一封信..
十個月喇...
數下手指..原來佢入左去已經差唔多一年..

今次封信好長..
四頁紙...睇左好耐..
寫既好多都係悔氣說話..
佢入左去咁耐..佢一路都同我講話佢已經變左..
以前唔識既野..宜家已經學識..
以前唔識體諒人..唔識關心人..
佢覺得佢宜家已經識...
佢識體諒我點解唔探佢..同埋點解唔回信比佢..
但係睇完依封信..我覺得佢冇變過...
雖然寫到好關心我..只要我覺得開心既佢都會支持我..
不過我睇得出佢似比緊說話我聽多...
睇得出佢埋怨緊我欠佢一個交代..
佢以為自己了解我..其實關於我既野佢一d都唔知..
就連普通朋友都知既..佢都未必知..~

我都唔記得我幾時開始唔回信..
其實應該話..我唔記得幾時開始冇拆過佢寄黎既信..
儲埋儲埋都有十幾封信我係未拆..
認真數下係依十個月入面..佢寄左差唔多百幾封信比我..
以前我收到佢既信..我會好有心機睇..
宜家我只會放埋一二邊..
雖然好想親口同佢講句對唔住..
但係依句野好難開口..
如果咁易開口既...好耐之前我已經講左..
到宜家我都唔知到底係我欠佢定佢欠我既..
可能大家都冇欠過大家..
我知佢為左我做左好多野..
可惜...時間係唔等人..
可能有一日..我會有勇氣咁交代依一年發生既野..
不過..我都唔知自己幾時先有咁既勇氣..

佢話等一個人回信係一件好痛苦既事..
希望越大..失望越大..
同時..我要等一個人出黎亦都係好痛苦既事..
我以前最討厭既就係等待..
以為小順之後..我唔會再等任何人..
但係原來冇可能..
想得到最愛..先要學識等待..!!

我同小順..可能就係一個遺憾..~

我要檢舉
台長： 心柔..!!
人氣(19) | 回應(0)| 推薦 (0)| 收藏 (0)| 轉寄
全站分類: 男女話題(愛情、男女、交友)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文