自從調左位之後,發覺自己的心態變左好多。首先,我變得無以前咁怕生,同陌生人講野都唔會緊張,可以講係一種進步吧。諗起以前在呂中,如果要同唔識的人講野或者要演講我一定手心出汗,而家的我簡直就是脫胎換骨。這可能是我在恒商的第一個收穫吧。
第二,因為平時上堂四方八面都俾女仔包圍的緣故,要同女仔講野的密度同持續時間都係EXPOTENTIAL INCREASE。而家的我,開始感覺唔到人類之間的性別之分。比著以前,我係習慣先辨認我要講野的對象的性別,再調較一下用詞、表情同語氣。但而家我根本唔會咁做,又或者應該話如果咁做係絕對愚蠢。講真,全班有八成都係女仔,如果真係要成日就住會好撚辛苦,之前的全個九月份我都在做這等傻事,雖然某程度上我係不自覺的,可能是以前的「怕醜仔」的症狀仲有少許殘留吧。話說起來,當我同某人講起我以前係怕醜仔的時候,佢竟然擺出一副唔信的嘴臉,令我好鬼失望。
第三,我開始比較留心聽書,唔會在做功課的時候發覺自己一舊雲,而且仲有空間走去指點下其他人,勁有成功感。諗起上黎,如果黎到呢度都唔努力讀書,咁同留在呂中又有何分別?所以要加把勁先得。
以上三項都是我迄今為止所發現的轉變,在往後可能會仲多。
以下記事幾則
發覺原來田徑隊原來真係好鬆散,無乜組織。可能大家練的項目唔同啦,原本人已經少,而家仲要SPLIT開,得我一個同前隊長練擲項,遲下呢位師兄走左,我就要一個人,憨尻尻地在網球場練鐡餅同推鉛球。感覺是好正,因為可以一個人無拘無束,唔好的是會變左無人指點,好難有進步。另外令我好氣憤同無奈的是,個鉛球俾人搞到爛左,漏晒沙。聽講在田徑隊練習之前,淨係得院長先會練鉛球,而暑假之前個鉛球仲好地地…唉,屌…各位應該明白發生乜事啦。
昨日同金源去左聽健身室的講解,以後就可以自己BOOK場,不過因為有超多人的緣故(合計都成百人想玩,但每次只准八個人同時使用...FUCK),我地打算七點鐘就返到學校練….痴線架咩,唔駛訓呀?都係遲下先算啦。
今日同班同學踢波,好鬼開心,雖然都係坐的時間居多,但始終都掂過下波,唔錯。
星期日要去藍田,要參加樂施行動組的工作坊,準備遲下搞活動…好鬼緊張呀,全部人我都唔識…想退出活動又搵唔到籍口,而且更仆街的係當初為左捱義氣拍心口加入,而家退出實在太無骨氣…唉,真係仆佢個臭街,唯有頂下去啦。唔記得左究竟是一年有八個MEETING,定係一個學期八次…如果係前者梗係好啦,如果係後者,我諗捱完一個學期我真係理得佢三七廿一,早走早着算數。我好想平時得閒D呀...
文章定位：
